Ferizaj
Klubi Kastrioti “i peshkon” 19 medalje
Klubi i notit “Kastrioti” po “peshkon” medalje. Në garën Kupa e Prishtinës, tre garues përsëri i sjellin medalje klubit “Kastrioti”. Edi Ilazi, Shkëmb Reçica dhe Roni Shahini, dita-ditës po bëhen notarë të medaljeve. Për këto suksese na flet trajneri i klubit Atdhe Haxhimusa .
“Ne kemi pas një garë e cila është mbajt me datën 17 dhe 18 Gusht e cila është organizuar nga Klubi i notit Prishtina në bashkëpunim me Klubin “Steps Sport Center” ku në këtë garë jemi nda jashtëzakonisht të kënaqur, ku me të gjithë garuesit që ne i kemi, një pjesë e tyre kemi marrë 19 medalje nga tre garuesit më të shquar klubit të cilët janë Edi Ilazi , Shkëmb Reçica dhe Roni Shahini. Sa i përket Shkëmb Reçica është vetëm 9 vjeç ku tani për tani po ka shumë sukses në çdo garë që merr pjesë, ai gjithmonë fiton medalje, ku edhe në këtë garë në 6 disiplinat ka fituar medalje. Ndërsa Roni Shahini është shpall garuesi më i mirë i grup moshave të veta në kategorinë D në këtë garë ndërsa Edi Ilazi i cili është potenciali i klubit dhe presim shumë prej tij që në një të ardhme të jetë edhe përfaqësues edhe në lojërat Olimpike“.
Atdhe Haxhimusa – Trajner i klubit “Kastrioti”
Ndërsa pjesëmarrësit e kësaj gare na tregojnë se cilat kanë qenë sfidat e kësaj gare.
“Jam notues që 7 vite, kam marrë pjesë në shumë gara ku njëra prej tyre është Kupa e Prishtinës, kjo është garë në të cilën kemi pas shumë sukses, unë kam marrë medalje në disiplinën 200 mix disiplina, 200 mix është një disiplinë shumë e vështirë që nuk mundet çdo garues me përballu, sepse duhet njohja e katër stileve dhe duhet shumë kondicion, por gjithashtu kemi marr medalje ekipore dy medalje të argjenda. Synimet e mia janë që me marrë pjesë në gara europiane dhe kam dëshirë që të bëhem kampion Europian.”
Edi Ilazi – Notues i klubit “Kastrioti”
“Me këtë sport merrem që 3 vite ndërsa rezultatin që e kam nga kjo garë është shumë i mirë por më duhet që ta përmirësojë kohën time që të jem edhe më i mirë në garat e tjera. Kam synime të mëdha për sportin e notit, ëndrra ime është që të bëhem Kampion i Kosovës dhe pse jo të marrë pjesë në Olimpiadë.”
Ky klub i cili është themeluar nga viti 2001 gjithmonë në çdo garë të notit ka sjell nga një medalje, por kësaj radhe 19 medalje nga të gjithë pjesëmarrësit e këtij klubi .
-
Ferizaj3 days agoDevijime minimale të rezultatit nga rinumërimi i mbi 53% të votave në Ferizaj
-
Kosovë1 week agoArrestohet një burrë nën dyshimin për sulm ndaj pjesëtarëve të KFOR-it dhe të Policisë së Kosovës
-
Kosovë1 week agoKosova nderon viktimat e masakrës së Reçakut
-
Kosovë4 days agoKërkohet rinumërimi i plotë pas ndryshimeve në votat për kandidatë
-
Kosovë1 week agoSorensen në Prishtinë: Do të sigurohemi që Kosova e Serbia të zhvillojnë bisedime
-
Ferizaj1 day agoNgritët aktakuza e parë për zgjedhjet e 28 dhjetorit
-
Kosovë2 days agoKosova ftohet nga Trumpi që të jetë pjesë e Bordit të Paqes për Gazën
-
Kosovë2 days agoVritet një grua në Dragash, dyshohet se dorasi është djali i saj
-
Kosovë4 hours agoAksion policor në Prizren pas dyshimeve për keqpërdorim të votave