Ferizaj

Shkolla e muzikës me klasë të veçantë për fëmijët me shikim të dobësuar

Published

8 years ago

22 August, 2018

Kjo klasë brenda hapësirave të shkollës së muzikës ”Çesk Zadeja” po përgatitet që të pres fëmijë me shikim të dobësuar. Iniciatorja e këtij projekti, Albulena Nuredini, përmes fushatës “Dua të shoh si ti”, ka arritur që së bashku me bizneset dhe komunën e Ferizajt, të mundësojnë krijimin e kësaj klase muzikore për këta fëmijë. Nuredini tha se Ferizaj ka pasur nevojë për një klasë të tillë qysh moti.

“Ngaqë e kam temën edhe në master pedagogji muzikore për fëmijët e verbër, metodat dhe strategjinë e punës, praktikisht e kam nisur edhe një projket ”Dua të shoh si ti”, me idenë për t’i trajtuar këta nxënës të barabartë, praktikisht duke qenë që edhe në shkollën “Çesk Zadeja” ka pasur nxënës të verbër dhe kanë rezultat të mirë, po ashtu edhe në botë ka legjenda të muzikës që janë të verbër dhe nuk është asnjë lloj problemi që këta fëmijë të inkuadrohen nëpër shkolla të rregullta. Fëmijët e Ferizajt janë të detyruar që të shkojnë në qendrën burimore në Pejë dhe hapja e kësaj klase është një mundësi e mirë për këta fëmijë që të inkuadrohen në shkollë të muzikës dhe mësimet t’i marrin sikurse çdo fëmijë tjetër”, tha Nuredini.

Arbenita Hoxha, mësimdhënëse e lëndës harmoni dhe piano në shkollën e mesme të muzikës “Çesk Zadeja”, tregon përvojën e saj me nxënësit me shikim të dobësuar.

“Para disa viteve e kam pasur një nxënës që ka qenë më shikim të dobët në një shkallë mjaftë të lartë, kam pas lëndën e harmonisë me të dhe kjo lëndë përveç shënimeve kemi edhe praktikë me punu, me Unikun unë i kam dhënë shënimet ndërsa ai ka pasur një telefon ku e kishte një program të instaluar dhe i shënonte ligjëratat, ndërsa në tabelë ka shënuar një shok kurse ai ka diktuar, ka qenë shumë i talentuar, ka mundur të vërej gjithçka në muzikë por se kushtet nuk kanë qenë fare për të dhe tash që kam dëgju për këtë projekt është një projekt i mirëseardhur për fëmijët me shikim të dobët, është një hap shumë i mirë dhe besoj se do t’iu ndihmojë nxënësve që janë me shikim të dobët”, tha Hoxha.

Në këtë klasë e cila nuk dihet se kur do të jetë e gatshme, do të kenë mundësinë t’i vijojnë mësimet për muzikë fëmijët që nga mosha 3 deri në 18 vjet.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar