Ferizaj

Ferizajasit i bashkohen protestës për shkarkimin e Aleksandër Lumezit

Published

8 years ago

22 August, 2018

Protestës së thirrur nga shoqëria civile dhe qytetarët, që do të mbahet sot në Prishtinë për të kërkuar dorëheqjen e kryeprokurorit të shtetit Aleksandër Lumezi, do t’i bashkohet edhe shoqëria civile e Ferizajt.

Albulena Nrecaj, drejtoreshë e organziatës ”Inciativa për Progres”, tha se një protestë e tillë është e domosdoshme krahas këtyre zhvillimeve negative që po ndodhin në vend.

“Në përgjithësi organizimi është qytetarë dhe është një lloj aktivizimi qytetarë që është i domosdoshëm neë këto rrethana që janë krijuar pas këtyre publikimeve nga ngritja e aktakuzës nga ish-prokurori Elez Blakaj dhe të gjitha problemet që janë prodhuar nga publikimi i atij dokumenti dhe ajo çka është më tragjikja politizimi i sistemit të drejtësisë dhe në këto rrethana kjo protestë është mjeti më i mirë demokratik për të kundërshtuar këtë politizim pavarësisht që deri më tani në forma të ndryshme shoqëria civile e qytetarët kanë avokuar dhe kundërshtuar sistemin e drejtësië, por tani këto prova materiale që u shpërfaqën dhe që e dëshmojnë ndikimin e politikës në sistemin drejtësisë është momenti i fundit për të pasur një aktivizim apo një zgjim të qytetarëve nga gjumi i dimrit sa i përket vënies së standardeve të sundimit të ligjit në shtetin tonë”, tha Nrecaj.

Nrecaj tha se shpreson që kjo protestë të reflektoj tek udhëheqësit shtetëror, duke ndryshuar qasjen, sidomos ndaj sistemit të drejtësisë.

“Konsideroj se zyrtarët në përgjithësi duhet t’i kenë parasyshë protestat e qytetarëve, duke pasur faktin që këtu po protestohet për diçka që është argumentuar dhe nuk ka dilema nëse ka politizim apo jo, të gjitha argumentet janë dhënë gjatë kësaj jave sa është nxitur debati nga aktakuza e ish-prokurorit Elez Blakaj dhe konisderoj se është momenti i fundit që përgjegjësit dhe zyrtarët shtetëror të marrin inciativa për të ndryshuar çështjen për të mirë”, tha Nrecaj.

Protesta e thirrur nga qytetarët pasoi dorëheqjen e prokurorit Elez Blakaj i cili akuzoi kryeprokurorin Aleksandër Lumezi për politizim të prokurorisë kosovare.

Ferizaj

Në Ferizaj raportohen katër bankënota të dyshuara nga 500 €

Published

4 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

4 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.