Ferizaj

Qeverisja lokale bën presion ndaj mediave

Published

5 years ago

31 August, 2021

Seanca e sotme e Kuvendit Komunal të Ferizajt, nuk u transmetua drejtpërdrejt. Qytetarët mbetën pa i përcjellë punimet e saja. Kjo ngjau krejt për fajin e Komunës së Ferizajt, e cila pavarësisht se me Planin e saj të Prokurimit ka qenë i obliguar, që ta hapë tenderin në qershor të këtij viti, për ta përzgjedhur operatorin për transmetim, këtë gjë nuk e ka bërë.

Kuvendarët ferizajas, gjatë kësaj seance shprehën indinjatën e tyre për këtë papërgjegjësi të ekzekutivit lokal.

Nehat Mustafa, kuvendar i pavarur deklaroi se kështu, qeverisja lokale po i ikë ballafaqimit me realitetin.

“Sot nuk kemi transmetim të drejtpërdrejt të seancës sepse e kemi një zyre të prokurimit që ka pasur në Planin e saj të prokurimit që në qershor ta hapë tenderin për transmetimin e seancave dhe kjo nuk është bërë, nuk janë këtu për të bërë arsyetimin se pse ka ndodhur kjo. Transmetimi i seancave është mundësia e vetme e kuvendarëve për të komunikuar me qytetarët. Kjo po shifet që është taktikë, mirë e menduar për t’i ikur ballafaqimit me realitetin”.
Nehat Mustafa – Kuvendar i pavarur

Edhe për Shkelzen Selmani nga LDK, ky veprim i pushtetit ishte i papranueshëm:

“E kam një pyetje, pse nuk është shpallë tenderi për media? Kur ka qenë i planifikuar, në listë të prokurimit të hapet në qershor. Kërkoj përgjigje të saktë, pse nuk i kanë fillu procedurat? Arsye s’po du me dhanë tash unë këtu. A është e vërtetë që janë pagu pa planifikim të prokurimit 80 mijë euro për koncert? Nëse kjo ka ndodhë, unë e shoh shumë të paarsyeshme këtë vendim. Dikush duhet të jep llogari, prandaj raporti i auditimit për vitin 2020 ka me na ardhë prapë i keq”.
Shkelzen Selmani – Kuvendar i LDK-së

Ndërkaq Xhevat Sallahu nga Lëvizja Vetëvendosje, këtë sjellje të Komunës së Ferizajt e shihte si një presion ndaj mediave .

“Sot pamë shumë shqetësime të kuvendarëve sepse kjo seancë nuk po transmetohet live. Nuk është në rregull kjo, a po i bëhet presion një mediumi apo ku qëndron çështja sepse në qershor është dashur me u hapë ky tender. Këtu duhet sqarim por kujt t’i kërkojmë kur mungojnë drejtorët. Ndoshta edhe raporti i auditorit është arsyeja pse nuk i është bërë kontrata këtij mediumi që të jetë live”.
Xhevat Sallahu – Kuvendar i Vetëvendosjes

Për këto pakënaqësi të shprehura nga kuvendarët opozitarë nuk u dha asnjë përgjigje nga ekzekutivi lokal, i cili në këtë seancë përfaqësohej vetëm nga tre drejtorë, derisa mungonin Kryetari i Komunës, dy nënkryetarët dhe të gjithë drejtorët e tjerë.

Ferizaj

Bëhet i ditur identiteti i viktimave të aksidentit tragjik në Gjermani

Published

4 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

4 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

6 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.