Ferizaj

Deri në përmbyllje ”FerFilm” sjell edhe 30 filma

Published

8 years ago

05 September, 2018

Në Ferizaj po vazhdon të mbahet festivali ndërkombëtar i filmit “FerFilm”. Përveç filmave, ky festival ka sjellur edhe mysafirë nga vende të ndryshme të botës.

Njëri nga ta është regjisori nga Izraeli Omri David, i cili në Kosovë ka ardhur për herë të parë. Ai tregon për përshtypjet që po i lë Kosova, për të cilën kishte dëgjuar shumë pak.

“Jam për herë të parë këtu, është shumë e veçantë për mua, unë e kam pritur ndryshe këtë vend dhe në vazhdimësi vetëm po eci, po kam dëshirë të shikoj çdo gjë, të bëj krahasime, madje edhe krahasime me supermarkete, ndërsa më së shumti më ka pëlqy moti, pasi në Izrael është shumë nxehtë, ndërsa për Kosovën kam dëgjuar shumë shumë pak, pasi kam kuptuar se filmi më është pranuar atëherë kam filluar të hulumtoj për Kosovën, ndërsa e kam parë që ka pasur eksperienca të luftës”, tha David.

Filmi i regjisorit nga Izraeli do të shfaqet sonte. Ai shpreson se do të mirëpritet nga audienca.

“Bëhet fjalë për një aktor i cili përmes veshjeve si kloun përpiqet të prezantoj vetën me elemente të voga të cilat përfshin shumë karaktere, ndërsa e di që në këtë festival ka shumë filma, por nuk më pëlqen të bëj krahasime të filmave, por besoj se të gjithë filmat janë të mirë”, tha ai.

Genta Sefa, e cila në këtë edicion të “FerFilmit” është organizatore e debateve, u shpreh e kënaqur me rrjedhën e deritashme të këtij festivali.

“Sivjet kemi pasur një numër pak më të vogël të mysafirëve dhe e kemi pasur deri tani vetëm një debat, por sonte i kemi dy regjisorë, një regjisor nga Izraeli dhe tjetri nga Maqedonia, sonte do të kemi një debat që shpresoj se do të shkojë mirë. Kemi pasur ndryshime të mëdha nga edicionet e tjera, kemi pasur përmirësime të mira, e gjëra që janë përmirësuar nga edicionet e tjera, por prapë se prapë çdo vit ka qenë eksperiencë e mirë”, tha Sefa.

Festivali ndërkombëtar i filmit “FerFilm” do të mbyllet nesër, ndërsa deri në mbyllje nga 90 filma sa kanë qenë, kanë mbetur të shfaqen edhe 30.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.