Ferizaj

Nuhi Qeli kërkon ndihmë për shërimin e djalit 7 vjeçar

Published

8 years ago

11 September, 2018

Nuhi Qeli nga fshati Greme i Ferizajt, shprehet i mllefosur me institucionet qendrore dhe lokale, të cilat thotë se nuk po i ndihmojnë për ta shëruar djalin e tij 7 vjeçar, i cili vuan nga një sëmundje e rëndë. Ai thotë se ka dy vite që troket dyerve të insitucioneve, mirëpo në ndihmë nuk i ka dalë askush.

“Një djalë më ka pësuar për shkak të kushteve ekonomike, tani me kancer e kam edhe një fëmijë, edhe shoqën e kam me sëmundje mendore, unë jam invalid i luftës, unë nuk di çka përjetoj më keq, kjo qeveri nuk më ka ndihmuar asgjë, as komuna nuk më ka ndihmu, shoqata ”Feniks” më ka ndihmu ma ka ndërtu shtëpinë, tani jam duke kërkuar ndihmë me shëru djalin, flokët i kanë ra nga sëmundja”, tha Qeli.

Ai thotë se gjendja ekonomike po i rëndohet çdo ditë e më shumë pas ndërprerjes së ndihmës sociale për bashkëshorten e tij, e cila ka probleme psiqike.

“Një social e marrë prej 90 euro, por vetëm 100 euro mua më shkojnë për mjekë, tri vjet kam marrë pension, ndërsa pesë vjet shoqja por ia kanë ndalur, ndërsa mua më takojnë katër pensione, në komunë kam qenë më thonë nuk ka mjete financiare”,u shpreh Nuhi Qeli.

Kryefamiljari i familjes katër anëtarshe nga fshati Greme i Ferizajt, bëri apel tek njerëzit e vullnetit të mirë që ta ndihmojnë për të ta shëruar djalin e tij 7 vjeçar.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

5 days ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

2 weeks ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.