Ferizaj

Asfaltohen rrugicat në Zllatar

Published

8 years ago

12 September, 2018

Këto pamje piktoreske vijnë nga fshati Zllatar, ndërsa këtij gjelbërimi dhe këtyre shtëpive nëpër shpatije po i shtohet edhe infrastruktura rrugore. Banorët e Zllatarit ishin renditur sipas traditës shqiptare dhe po i prisnin pushtetarët ferizajas me rastin e asfaltimit të disa rrugicave këtu. Drejtori i Infrastrukturës në Ferizaj Arbër Bytyqi, tha se investimi rrugor që do të bëhet në Zllatar buxhetit të komunës do t’i kushtoj rreth 200 mijë euro.

“Këtu do të bëhet asfaltimi i 18 rrugicave të këtij fshati, është projekt 1 vjeçar ku sipas dinamikës së punëve në shtator të vitit që vjen punët do të përfundojnë të gjitha. Ndryshe shumica e këtyre rrugicave do të jenë me gjerësi 5 metërshe e disa të tjera 4 metra“, tha Bytyqi.

Banorët u shprehen të kënaqur për këtë projekt, por u ankuan për mungesën e ujit të pijshëm.

“Ky projekt ka qenë dashtë të realizohet qysh moti, sepse prej paslufte Zllatari si fshat i Ferizajt ka qenë i lënë pas dore sa i përket investimeve. Mungesa më e madhe për ne është uji i pijshëm, produkti kryesor neve po na mungon”, tha Elez Sallahu.

“Sa i përket projektit të ujësjellësit jo vetëm për banorët e Zllatarit, por për të gjithë banorët e kësaj zone ne e dimë që ballafaqohen me problemin e ujit të pijshëm. Ne jemi duke punuar në kuadër të projektit të ndërtimit të fabrikës së ujit dhe po shpresojmë që në vitin e ardhshëm ta bëjmë këtë zgjidhje për banorët e këtyre pjesëve“, tha Arbër Bytyqi.

Aktualisht fshati Zllatar u tha se ka rreth 150 shtëpi me rreth 1 mijë banorë, ndërsa u theksua se shumë familje për shkak të kushteve infrastrukturore çdo vit e më shumë kanë ikur nga fshati në qytet.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim