Ferizaj

Investime në Repartin e Pediatrisë dhe në laboratorin e Spitalit

Published

8 years ago

21 September, 2018

Investimet që u bën në Repartin e Pediatrisë të Spitalit të Ferizajt, si dhe funksionalizimi i një laboratori të ri për nevojat e përgjithshme të këtij spitali, ka bërë që ky institucion të vizitohet sot nga drejtues të Shërbimit Spitalor dhe Klinik Universitar të Kosovës, përfaqësues të Ministrisë së Shëndetësisë si dhe drejtues të pushtetit lokal. Këto investime u vlerësuan si shumë të nevojshme për spitalin e këtushëm, e sidomos tek reparti i fëmijëve. Duke premtuar mbështetje, drejtori i SHSKUK-së Basri Sejdiu, tha se Spitali rajonal i Ferizajt është në prioritetin e institucioneve qëndrore.

“Qysh tash do të përgatitemi që krahas këtyre kushteve që ekzistojnë t’i përmirësojmë dhe t’i trajtojmë edhe emërgjencat apo edhe të përgatitemi për spitalin e ri, qoftë me pajisje mjekësore, qoftë me kuadër. Përkrahja nuk do të mungoj, do të jetë prioritet nga të gjitha spitalet e Kosovës, pasi që pritet të jetë një spital modern dhe mendoj që do të finalizohet për të qenë në shërbim të qytetarëve të këtushëm sepse edhe e meritojnë tash e një kohë të gjatë”, tha Basri Sejdiu.

Ndërkaq, drejtori i Spitalit rajonal të Ferizajt Jeton Zeqiri, tha se investimet që do të bëhen janë për të mirën e pacientëve, duke theksuar se ardhja e aparaturave të reja i obligon që ato të ruhen dhe të mirëmbahen .

“Ne kemi bërë disa ndryshime dhe e kemi parë të arsyeshme që stafin administrativ ta sistemojmë nëpër vende të ndryshme, ndërkaq hapësirat i kemi liruar për reparte dhe laboratore siç është ky sot i Pediatrisë. Gjithashtu në bazë të kushteve që kemi pasur kemi rregullu urgjencën pediatrike në nivel të repartit, kështu që tash e tutje fëmijet do t’i kenë disa kushte më të mira. Do të kërkojmë po ashtu më shumë përgjegjësi për pajisjet dhe investimet që bëhen këtu dhe presim që e ardhmja të tregoj sa do t’ia arrijmë këtij qëllimi”, tha Zeqiri.

Për mbështetjen që do t’i bëhet shëndetësisë në Ferizaj, u zotuan edhe përfaqësues të Ministrisë së Shëndetësisë.

“Në kuadër të planifikimeve buxhetore dhe të zhvillimit të shëndetësisë Ministria jonë është duke u marrë edhe me çështjen e një studimi për nevojat e Spitalit të Ferizjat, si për personel ashtu edhe për pajisje për spitalin e ri që brenda dy viteve planifikohet të ndërtohet”, tha Ardian Ferizi nga MSH..

U bë e ditur se laboratori që erdhi sot në këtë spital kap vlerën e rreth 15 mijë eurove, ndërkaq me participim të komunës së Ferizajt dhe mjeteve vetanake te këtij institucioni, renovimi i Repartit të Pediatrisë po ashtu ka kushtuar rreth 15 mijë euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar