Ferizaj

Nisin investimet në infrastrukturën nëntokësore

Published

7 years ago

26 September, 2018

Komuna e Ferizajt ka filluar zëvëndësimin e gypave të ujësjellësit që kanë përbërje azbesti me ata të plastikës, në rrugët “Zenun Beqa”, Fehmi Lladrovci”, ”Ali Asllani” dhe “Lidhja e Prizrenit”. Pas ndërrimit të gypave, planifikohet asfaltimi i këtyre rrugëve. Kryetari i komunës së Ferizajt Agim Aliu, tha se rregullimi i këtyre rrugëve do të bëhet në bashkëpunim me Ministrinë e Administrimit të Pushtetit Lokal, ndërsa theksoi se nuk do të lejojnë që të zvarriten punimet.

“Këtu jemi në katër rrugë të qytetit ku praktikisht jo vetëm që do të hiqen në pjesë të caktuar gypat e vjetër të ujësjellësit, por në fund do të jenë edhe dy shtresa të asfaltit, vlera është diku afër 140 mijë euro dhe bëhet fjalë për një gjatësi 1.3 kilometër e cila do të trajtohet në kuadër të infrastrukturës nëntokësore dhe me asfalt, përndryshe gjithçka do të jetë e përfunduar këtë vit, sepse ne do të sigurojmë financime shtesë dhe nuk do të lejojmë që kompanitë të punojnë pa pasur financimet e duhura”,tha Aliu.

Ndërsa, banorët e këtyre lagjeve kërkuan që punimet të mos bëhen shkel e shko.

“Kjo lagje është ndërtuar para viteve të 80-ta, unë me profesion jam kimist dhe kam kuptu që këtu janë të vendosur gypa të azbestit të cilat janë kanceroz, prandaj unë kam informu kryetarin pasi edhe çerdhja është këtu që të intervenohet, jemi të kënaqur që është duke u realizu ky projekt për shkak të gypave të azbestit të cilët janë vërtetuar se janë gypa kanceroz dhe uji mundet me qenë i dëmtuar”, tha Sabit Provoliu.

“Po bëhet mirë që po shtrohet, por ishalla ata që e shtrojnë dhe ata që e kanë dhënë lekun nuk i hanë gjysën e pareve e me u prish asfalti pas një viti, pasi përvoja është asisoj, paret që janë të ndara për asfalt të shkojnë në asfalt e jo në xhepa të tjerë”, tha Musa Arifi.

Udhëheqës të komunës së Ferizajt, bën të ditur se gjatë këtij viti do të punohet në 200 rrugë në zonën urbane.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.