Ferizaj

Mbahet Panairi i Sporteve në Ferizaj

Published

7 years ago

27 September, 2018

Dhjetëra klube e shkolla të sportit në Ferizaj, performuan për disa orë në sheshin e qytetit, në kuadër të Panairit të Sporteve që po organizohet nga Ministria e Kulturës, e Rinisë dhe Sportit, si dhe Komiteti Olimpik i Kosovës. U tha se përmes këtij aktiviteti Qeveria e Kosovës po synon të nxjerrë sportistë të vyeshëm dhe ta largoj rininë nga dukuritë negative. Vjollca Krasniqi nga Komiteti Olimpik i Kosovës, tha se që nga 23 shtatori në kuadër të Javës Evropiane, gjithandej Kosovës janë duke u zhvilluar një varg aktivitetesh të ndryshme sportive.

“Edicioni i katërt i Panairit të Sportit që sot po zhvillohet në 16 komuna ka për qëllim që klubet sportive të komunës suaj të paraqesin ofertën e tyre për nxënësit e shkollave fillore, në mënyrë që fëmijët të largohen nga rruga dhe ata të joshen me sportet të cilat do t’i praktikojnë pastaj”, tha Krasniqi.

Kjo ngjarje sportive u mbështet edhe nga Drejtoria e Kulturës, e Rinisë dhe e Sportit në Ferizaj. Ky aktivitet u shënua në kuadër të manifestimit “Epopeja e Jezercit”

“Po ndihem krenare nga kupat dhe medaljet që i pashë në tavolinat e klubeve sportive me të cilat e kanë nderuar qytetin e Ferizajt, prandaj ne si Drejtori e Sporteve ndihemi krenarë për të arriturat e sportistëve të Ferizajt. Përndryshe, sa i përket infrastrukturës sportive në Ferizaj, së fundi Ministria e Kulturës ka financuar ndërtimin e një qendre sportive në fshatin Greme, po ashtu kemi edhe zotime të tjera në përkrahjen e sportit dhe infrastrukturën e kësaj fushe shumë të rëndësishme“, tha Xhemile Murati-Shabani.

Klubet që sot morën pjesë në këtë panair u shprehën të kënaqur me këtë aktivitet, duke treguar se pavarësisht kushteve që institucionet po ofrojnë për ta, shkollat e sportit po nxjerrin talentë, kualitet dhe rezultate të mira.

“Është atmosferë shumë e mirë, sportistët tanë po bëjnë një aktivitet, po ashtu edhe reklamë për sportet e tyre, si dhe po kënaqemi duke e ditur se është edhe java e Epopesë se lavdishme dhe panairi po zhvillohet pikërisht në këtë ditë. Ndryshe, klubi jonë i karatesë çdo ditë e më shumë po sjell rezultate të mira, kupa e medalje”, tha Gani Mahalla nga klubi i karatesë “Kastrioti”.

“Unë besoj që jemi duke bërë një punë e cila ia vlenë për t’u vlerësuar. Kemi filluar ta bëjmë një organizim shumë të mirë, pastaj vet pranimi në instanca më të larta të futbollit ka bërë që të rritet më shumë motivi dhe angazhimi për punë. Qëllimi kryesor i shkollës sonë është që të kultivojmë sportistë shumë të mirë që dinë ta japin maksimumin që ta avancojmë futbollin në vendin tonë”, tha Fatos Ademi, trajner i klubit të futbollit “Dinamo”.

Nga ky panair i sporteve, u ftuan të gjithë prindërit dhe mësimdhënësit që t’i motivojnë fëmijët për t’u angazhuar nëpër sporte të ndryshme, ndërsa institucionet u zotuan se përkrahja qeveritare për këtë fushë nuk do të mungojë.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

21 hours ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.

Ferizaj

Arrestohet një person për kanosje me thikë

Published

5 days ago

23 February, 2026

Redaksia

Policia në Ferizaj ka arrestuar një person të dyshuar për tentim të sulmit me thikë.

Në raportin 24 orësh të policisë bëhet e ditur se ngjarja ndodhi të dielën rreth orës 10:10.

“ Është arrestuar i dyshuari mashkull kosovar, pasi që i njëjti pas një mosmarrëveshje kishte tentuar ti sulmoj dy viktimat një mashkull dhe një femër kosovare.

Nga i dyshuari është sekuestruar mjeti i mprehtë thikë. Me vendim të prokurorit kujdestar i dyshuari ndalohet në qendrën e mbajtjes” ka njoftuar policia.

Ferizaj

Hapet restoranti “ODA Grill House” në Pleshinë të Ferizajt

Published

2 weeks ago

13 February, 2026

webmaster

Në Pleshinë të Ferizajt ka hapur dyert restoranti “ODA Grill House”, një hapësirë e re gastronomike që sjell kombinimin e ushqimit tradicional me një ambient të ngrohtë dhe unik për vizitorët.

“ODA Grill House” ofron menu me specialitete tradicionale, duke synuar të krijojë një përvojë të veçantë për familjet, miqtë dhe të gjithë ata që preferojnë kuzhinën vendore.

Ambienti i brendshëm i restorantit është dizajnuar në mënyrë funksionale dhe komode, duke e bërë të përshtatshëm si për manifestime familjare ashtu edhe për takime shoqërore.

Lokacioni i restorantit “ODA Grill House” është në fshatin Pleshinë, 5 km larg Ferizajt.

*Artikull i sponsorizuar