Ferizaj

Ekspozitë me relikte nga lufta e UÇK-së

Published

8 years ago

28 September, 2018

Dikush e futi në listën e veteranëve të rrejshëm të luftës së UÇK-së, por Gëzim Haxhimusa bashkë me shokët e tij, sot 20 vjet pas po shikojnë fotot e tyre nga pjesëmarrja në Betejën e Jezercit. Ky ish-ushtar i UÇK-së, por edhe shumë mysafirë të tjerë, për disa çaste humbën në kujtimet e asaj kohe kur populli ishte duke luftuar për jetë dhe liri. Në këtë ekspozitë e cila u realizua në kuadër të javës së kësaj epopeje, ishin vendosur numër i konsideruar i fotografive të luftës, ushtarëve, uniformave të UÇK-së, pajisje mjekësore të ushtarëve, e gjëra të tjera që lidhen me luftën.

“Është ndjenjë e veçantë me u kthy pas 20 vjete dhe duke i parë këto foto të luftës po na duket se jemi pikërisht në atë kohë dhe në ato vende. Është po ashtu një ndjenjë e mirë kur po i shohim edhe pjesëmarrësit në këtë ekpozitë, thjesht është kënaqësi dhe ne nuk i biem pishman asnjë pikë për atë kohë, por është edhe dhembje, sepse pikërisht është kjo ditë kur kemi pasur humbjen më të madhe të shokëve tanë, ka qenë dita më e rëndë, ka qenë një luftë shumë e ashpër me një rrethim total të Jezercit, humbja është, por është minimale për këtë çfarë kemi arritur”, tha Gëzim Haxhimusa.

Kryetari i Organizatës së Veteranëve të Luftës së UÇK-së në Ferizaj, Rafiz Sejdiu, tha se përmes kësaj ekspozite kanë dashur të përjetojnë edhe më afër sakrificën, dhembjen dhe krenarinë për dëshmorët e rënë në Betejën e Jezercit.

“Jo rastësisht është thënë se një fotografi bën më shumë se një mijë fjalë. Kam nderin që t’i përgëzoj grupin organizativ që për një javë organizuan aktivitete të ndryshme që respektuan dhe nderuan luftën e dëshmorëve dhe luftëtarëve të UÇK-së”, tha Sejdiu.

“Epopeja e Jezercit” mbetet në kujtesën e paharruar duke e ruajtur në arkivat historike, në kujtesën tonë kombëtare, si dhe në fushat e ndryshme të artit në pikturë, këngë e poezi. Ne themi sot se së shpejti do ta kemi edhe muzeun e kujtesës që për gjeneratat e reja do të kemi kujtesë me relikte nga lufta, ku do të kemi mundësi ta njohim më për së afërmi sakrificën sublime që bëri Ushtria Çlirimtare e Kosovës”, tha drejtoresha e kulturës Xhemile Murati – Shabani.

Aktivitetet për “Epopenë e Jezercit” do të përbyllen nesër me një ecje deri në Jezerc. Të gjithë të interesuarit mund t’i bashkëngjiten kësaj ecje nesër në orën 8:00 të mëngjesit, tek Kompleksi i Varrezave të Dëshmorëve në Ferizaj.

Ferizaj

Ndahet nga jeta veterani i UÇK-së, Avdi H. Ahmeti

Published

6 days ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.