Çmohet lartë vepra e të rënëve në Betejen e Jezercit

Published

7 years ago

28 September, 2018

Në fshatin Jezerc të Ferizajt, në vendin ku është zhvilluar Beteja në të cilën ranë 9 dëshmorë, është mbajtur akademi solemne me rastin e 20 vjetorit të kësaj dite.

Kryetari i komunës së Ferizajt Agim Aliu, tha se ”Epopeja e Jezercit” ishte pikë kthese shumë e rëndësishme në luftën e UÇK-së kundër regjimit serb.

Ndërsa, ish-eprorë të UÇK-së, thanë se Beteja e Jezercit paraqet vendosmërinë e UÇK-së dhe vullnetin për liri.

Kurse, ish-komandanti i Zonës Operative të Nerodimes Shkuri Buja, pati disa kritika.

Në një fjalë rasti në emër të Qeverisë së Kosovës, foli ministri i Punës dhe Mirëqenies Sociale Skender Reçica.

Akademia solemne ishte aktiviteti i parafundit që është organizuar për të shënuar ”Epopenë e Jezercit”. Ecja deri në Jezerc është aktiviteti i fundit që do të mbahet nesër në shënim të kësaj epopeje.

Në Ferizaj arrestohen dy të dyshuar për trafikim të kokainës

Published

2 days ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Një valixhe e gjetur në rrugën Doganaj–Brezovicë, policia kërkon pronarin

Published

3 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

6 days ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.