Ferizaj

Kisha katolike në Ferizaj kremton festën “Engjëlli i Rojës”

Published

7 years ago

02 October, 2018

Dhjetëra besimtarë katolik u mblodhën sot në oborrin e kishës katolike në Ferizaj, për ta kremtuar festën “Engjëlli i Rojës”, emër të cilin e mban edhe kisha e këtushme katolike. Kjo festë në doktrinën katolike njihet si ditë e veçantë. Sipas besimtarëve, secili njeri ka një engjëll roje, që e ruan atë gjatë gjithë rrugëtimit në jetë, prandaj kësaj feste çdo vit i kushtohet një meshë. Famullitari i kishës “Engjëlli i Rojës”, Don Viktor Sopi, i cili udhëhoqi meshën e sotme, luti besimtarët që të bashkëpunojnë mes vete, meqë tha se bashkimi dhe harmonia me njëri tjetrin, është ajo çka e karakterizon fenë.

“Kjo ditë do të thotë se ne të gjithë bashkë në kohën në të cilën po jetojmë në vendin tonë të meditojmë dhe të analizojmë e të vendosim për veprime të mira në raport jo vetëm me Zotin, por edhe me njeriun dhe atë ta manifestojmë jo me fjalë, por me vepra konkrete, të jetojmë ditë e përditë duke mos u pajtuar me të këqijat dhe veprimet që na dallojnë, por të shohim tek njëri tjetri atë çka është pozitive dhe të afrojmë atë çka është pozitive e t’i gëzohemi të mirës së përbashkët si vëllezër e motra të kësaj kohe”, tha Sopi.

Besimtarët e pranishëm në këtë meshë që kishin ardhur nga pjesë të ndryshme të Kosovës dhe jashtë saj, iu lutën engjëllit të rojës që t’i mbrojë nga të këqijat e mundshme.

“Jetoj në Gjermani, por për festë gjendem gjithmonë këtu për me u lut që të na ruaj engjëlli i rojës, kështu që vërtet është kënaqësi shpirtërore kur gjendem këtu që së bashku t’i lutemi engjëllit të rojës që të na ruaj neve dhe popullin tonë”, tha Marian Sopi.

Në këtë ditë, kisha katolike “Engjëlli i Rojës” në Ferizaj, shënoi edhe 90 vjetorin e ndërtimit të saj.

Ferizaj

Ngritët aktakuza e parë për zgjedhjet e 28 dhjetorit

Published

1 week ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.