Ferizaj

Pastrohen përmendoret e dëshmorëve në Ferizaj

Published

8 years ago

03 October, 2018

Ismail Selmani, i njohur si komandant Mala, ka ndërmarrë një iniciativë për pastrimin e përmendoreve të dëshmorëve që ekzistojnë në komunën e Ferizajt. Këtë aksion, Selmani thotë se e mori për faktin se ato janë mbuluar nga pluhuri duke mos u kujdesur askush për to.

“Kjo inciativë është marrë nga shpirti im, pasi çdo ditë që dilja shkoja përreth dëshmorëve, por ata nuk ishin fizikisht të gjallë pranë nesh, prandaj ne të gjallit e kemi për obligim që sado pak të ndjejmë ndjenjën tonë shpirtërore për dëshmorërt e kombit, si luftëtarë unë do t’i them edhe klasës politike që të kenë vëmendjen për gjithë këtë gjak të derdhur për çlirimin e Kosovës, i thërras të gjithë edhe shokët luftëtarë, por në veçanti edhe familjet e dëshmorëve që edhe ata të vetëdijësohen dhe të kërkojnë shumë më tepër nga komuna e Ferizajt, pasi komuna i ka institucionet e veçanta për mirëmbatjen e këtyre busteve që janë të vendosur që t’i mirëmbajnë ato”, tha Selmani.

Selmani kërkoi që të mos ndërtohen përmendore në Ferizaj, në mënyrë që të mos bëhen shpenzime për ndërtimin e tyre, kur ato nuk mirëmbahen.

”Dhjetë përmendore të dëshmorëve janë në Ferizaj, 70 mijë euro janë dhënë për këta dëshmorë, prandaj me këtë shumë do të rehabilitoheshin shumë familje skamnore, pra unë i thërras që mos të harxhohen më duke ndërtuar lapidarë, pasi edhe kështu nuk i ka mbikqyrur askush”, tha Selmani.

Aksionit të komandant Malës, i’u bashkuan edhe qytetarë të tjerë.

“Inicativën e komandant Malës e kam parë në rrjetet sociale dhe kam vendos t’i bashkëngjitem, pasi e kam ndje obligim që të bëj diçka për t’i respektuar veprat e dëshmorëve”, tha Behar Ibishi.

“Jemi në përfundim të pastrimit të përmendoreve të heronjve me iniciativën dhe vullnetin e komandant Malës, unë e kisha lutur udhëheqësinë mos të merren me hajni, por të merren me pastrimin e hapësirave ku gjenden këta heronj”, tha Shukri Retkoceri.

Ata që u ndjenë të nderuar nga ky aksion i ndërmarrë, janë familjarët e dëshmorëve. Babai i dëshmorit Brahim Ademi, Tefik Ademi, përmendorja e të cilit po pastrohej sot, tha se i vjen mirë që të paktën dikush u kujta për ta.

“Është shumë një punë e mirë, një vullnet i mirë që i ka ra ndërmend dikujt, faleminderit Malës dhe shoqërisë së tij që janë duke pastruar, ai që merr një inciativë të tillë e nderon vetën pastaj neve”, tha Tefik Ademi.

Në komunën e Ferizajt, përgjegjëse për mirëmbajtjen e përmendoreve është kompania publike “Ambienti”.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar