Ferizaj

Klubi ”Rotary” sivjet ndanë 33 bursa studimi

Published

8 years ago

04 October, 2018

Klubi ”Rotary” në Ferizaj, për të katërtin vit me radhë do të ndajë bursa për studentët e komunës së Ferizajt. Ky klub këto ditë ka shpallur konkurs për dhënien e 33 bursave për studentët e këtushëm për vitin akademik 2018/2019.

Kryetari i këtij klubi në Ferizaj, Xheladin Reçica, duke treguar kushtet e konkurrimit të cilat duhet të plotësohen nga studentët, bëri të ditur se gjasat janë që të ndahen më shumë se 33 bursa dhe kjo duke e parë vullnetin e bizneseve ferizajase për të mbështetur studentët.

“Kushtet për konkurs të studentëve janë që së pari të jenë banorë të komunës së Ferizajt, të jenë studentë të rregullt në nivelin bachelor në universitetet publike të Kosovës, jo në ato private, kushti i tretë është që përparësi do të kenë studentët të cilët vijnë nga viset rurale apo nga qyteti i Ferizajt që janë në gjendje ekonomike jo të mirë, kriter tjetër do të konsiderohet nota mesatare e studimeve ose për studentët e vitit të parë do të jetë me rëndësi nota mesatare e vitit të fundit të shkollës së mesme, përparësi për marrjen e bursave do të kenë studentët e shkencave inxhinierike, shkencave mjekësore, natyrore ose ndonjë drejtim që ka interes të veçantë për komunën e Ferizajt, këto janë kushtet kryesore të cilat studentët duhet t’i plotësojnë për përfitimin e bursës”, tha Reçica.

Reçica, tregoi edhe arsyen e mosdhënies së bursave për studentët që studiojnë në kolegje universitare.

“Ne si klub rotarian kemi statutin për bursa, në statut është e paraparë të jenë studentë të universiteteve publike e jo private, arsyeja kryesore është se studentët e universiteteve private kanë mundësi për me bë pagesën e një viti shkollor në një shumë 1000 e 2000 euro, në qoftë se ata kanë mundësi të sigurojnë këtë shumë, një bursë prej 50 eurove në muaj nuk do të jetë shumë domethënëse”, tha Reçica.

Afati i konkurrimit për bursat që do të ndajë klubi ”Rotary”, do të jetë deri më 31 tetor.

Vlera e një burse të dhënë nga ky klub është 50 euro në muaj dhe jepet për 10 muaj.

Ferizaj

Në Ferizaj raportohen katër bankënota të dyshuara nga 500 €

Published

6 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

7 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.