Ferizaj

”ETC” shënon ditëlindjen e 13-të

Published

7 years ago

06 October, 2018

Qendra tregtare “ETC”, sot ka shënuar 13 vjetorin e themelimit. E nisur para tri dekadave si “Elkos Grup”, kjo kompani sot ka rrjetin më të madh të shitjes në Kosovë, duke punësuar kështu edhe qindra punëtorë, ku vetëm në Ferizaj janë të punësuar mbi 150 sosh.

Në këtë përvjetor, menaxherja e ”ETC”- së në Ferizaj, Ganimete Rexhepi-Krasniqi, tha se edhe kësaj radhe janë përkujdesur që për konsumatorë të ofrojnë zbritje në shumë produkte.

“Sot ”ETC” ka 13 vjetorin e themelimit dhe në kuadër të ditëlindjes kemi organizuar oferta të ndryshme për konsumatorë, duke filluar nga ofertat me gratis, pjesa e higjienës, e tekstilit, pjesa ushqimore, që ka artikuj me gratis dhe produkte tjera që janë me zbritje”, tha ajo.

Kurse, konsumatorët u shprehën të kënaqur me shërbimet që ofrohen në këtë qendër.

“Jemi konsumatorë të rregullt të ”ETC”-së nga momenti që është hapur ”ETC” në Ferizaj, nga atëherë jemi konsumatorë të rregullt, jemi shumë të kënaqur me pritjen, kualitetin e cilësinë e mallit, ndërsa për sot unë nuk kam ardhur për nder të përvjetorit, por po shihet se ka zbritje”, tha Basri Shabani.

”ETC” në Ferizaj ka filuar të punoj që nga viti 2006.

Ferizaj

Arrestohet i dyshuari që sulmoi dhe lëndoi rëndë një person tjetër

Published

2 days ago

10 February, 2026

Redaksia

Policia e Ferizajt ka arrestuar një person, të dyshuar për përfshirje në veprën penale “Lëndim i rëndë trupor”.

Në raportin e policisë bëhet e ditur se rasti ndodhi të hënën mbrëma, 09.02.2026, rreth orës 22:30

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se kishte sulmuar viktimën mashkull kosovar. Viktima është dërguar për tretman mjekësor në QKUK, ndërsa i dyshuari pas intervistimit me vendim të prokurorit është dërguar në mbajtje.”

Ferizaj

Arrestohet një person në Ferizaj, i sekuestrohen drogë, para dhe armë

Published

2 days ago

10 February, 2026

Redaksia

Një person është arrestuar në Ferizaj nën dyshimin për veprat penale “Posedim i narkotikëve” dhe “Posedim i paautorizuar i armës”.

Në raportin 24 orësh, policia tha se gjatë kontrollit të të dyshuarit, janë gjetur dhe sekuestruar dy qese me peshë 1.75 gram kokainë, një epruvetë me kokainë me peshë rreth 10.68 gram si dhe 6155 euro para të gatshme.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram, një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet mes tjerash në raport..

Me vendim të prokurorit pas intervistimit i dyshuari është dërguar në mbajtje.

Ferizaj

Brenda javës së kaluar policia në Ferizaj shqiptoi 1567 gjoba dhe pezulloi 21 patentë shoferë

Published

3 days ago

09 February, 2026

Redaksia

Gjatë javës së kaluar, Policia e Kosovës ka shqiptuar 1.567 gjoba për kundërvajtje në trafik si dhe ka pezulluar 21 patenta për shoferët që kanë kryer shkelje të rënda në trafik.

Po ashtu, në këtë periudhë kohore janë regjistruar gjithsej 35 aksidente. Në 12 prej tyre kanë mbetur të lënduar 15 persona, ndërsa 23 aksidente të tjera ishin vetëm me dëme materiale

Sipas statistikave të publikuara, vetëm gjatë muajit janar 2026, Policia Rajonale e Ferizajt ka gjobitur 6,914 shoferë për kundërvajtje të ndryshme në komunikacion, që krahasuar me periudhën e njëjtë të vitit të kaluar paraqet rritje prej 45.3%.