Ferizaj

Shpërndahen koshere bletësh për 117 bletarë

Published

7 years ago

08 October, 2018

Në kuadër të subvencioneve që shpërndan Drejtoria e Bujqësisë, sot në Ferizaj u dhuruan 850 koshere bletësh për 117 përfitues të kësaj komune. Drejtori i Bujqësisë në Ferizaj Burim Bajrami, tha se kjo ndihmë është një mundësi e mirë për fermerët të cilët merren me këtë veprimtari, pasi që u jep një bazë të mirë për të investuar më tutje.

“Unë po besoj se është një hap para që u shërben shumë mirë bletarëve edhe pse participojnë 25 për qind, unë konsideroj se është një aktivitet që ia vlen të bëhet edhe në vitin e ardhshëm. Përndryshe, unë kam takuar edhe bletarët më kanë thënë se sivjet nuk janë shumë të kënaqur për shkak të motit, por do t’ia dalin sepse bujqësia i ka këto pengesa herë pas here“, tha Bajrami.

Ndihma që iu ofrua nga Drejtoria e Bujqësisë, u mirëprit nga bletarët përfitues.

“Unë kam përfituar 24 koshere blete, është një ndihmë e mirë, pak e vonuar, por kryesisht do të na ndihmoj sado pak, është stimuluese, do t’i ndërrojmë me ato të vjetrat”, tha Vllaznim Halili nga Komogllava.

Drejtoria e Bujqësisë njoftoi se pas përfundimit të procedurave të prokurimit do të shpërndajë mështjerra.

Ferizaj

Lëndohet një person në vendin e punës në Ferizaj

Published

3 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

5 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

5 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.