Ferizaj

QKMF ofron mamografi falas për gratë gjatë muajit tetor

Published

8 years ago

09 October, 2018

Për të parë nga afër se si po funksionon mamografi në Ferizaj, reparti ku ndodhet ky aparat për radiografinë e gjirit, u vizitua nga kryesuesja e Kuvendit Komunal të Ferizajt, Kristina Gashi Bytyqi dhe drejtori i Shëndetësisë në këtë qytet, Besnik Berisha. Gjatë kësaj vizite e cila u bë në kuadër të fushatës sensibilizuese për ndërgjegjësimin e kancerit të gjirit, kryesuesja e Kuvendit njoftoi se gjatë tërë muajit institucionet qeveritare lokale, aktiviste të shoqërisë civile, si dhe kuadri mjekësor, do të jenë të gatshëm të ofrojnë informacione dhe ndihmë për qytetarët e kësaj komune, lidhur me zbulimin e hershëm të kësaj sëmundje.

“Vazhdimisht nëpër këto aktivitete unë po bëj thirrje tek të gjitha femrat, nënat dhe motrat tona që nëse asnjëherë nuk kanë bërë kontrolle të gjirit të fillojnë dhe t’i bëjnë ato, sepse çdo zbulim i hershëm dihet që ka edhe shërim shumë më të shpejtë. Jam e lumtur që në institucionet shëndetësore në Ferizaj janë aparaturat, por është edhe kuadri profesionistë, që sipas informacioneve që sot mora, është shumë i përkushtuar në punën që po bën”, tha Gashi – Bytyqi.

Shefi i diagnostikës në Qendrën Kryesore të Mjekësisë Familjare Xhevdet Haxhidema, tha se ky institucion ka paraparë që gjatë muajit tetor të gjitha ekzaminimet për kancerin e gjirit të bëhen pa pagesë.

“Ky ekzaminim në QKMF-në e Ferizajt ofrohet me shumë profesionalizëm, këtë e dëshmon edhe fakti se ne jemi qendër referente për shumë profesionistë të fushës, për shembull për kirurgët torakal, ku referojnë pacientë edhe jashtë Ferizajt. Të gjithë pacientët dalin të kënaqur me marrjen e shërbimeve të kompletuara”, tha Haxhidema.

U bë e ditur se vetëm në javën e parë të muajit tetor mamografinë vullnetarisht e kanë bërë mbi 20 gra.

“Unë erdha sot për mamografi, kam dëgjuar se këtë muaj është pa pagesë dhe pse jo erdha për ta bërë. Në fakt është hera e dytë që po e bëj, por pse mos me i bë kontrollet ashtu siç thonë mjekët në çdo gjashtë muaj ose së paku një herë në vit. Shyqyr që i kemi afër këto shërbime”, tha Arife Hoxha.

Derisa gjatë këtij muaji të ndërgjegjësimit për luftën kundër kancerit të gjirit mamografia bëhet pa pagesë, muajve të tjerë ky shërbim kryhet me një çmim simbolik prej 6 eurosh si dhe me termine paraprake.

Ferizaj

Në Ferizaj raportohen katër bankënota të dyshuara nga 500 €

Published

5 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

5 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.