Policia e Rajonit të Ferizajt ka njoftuar se vetëm në javën e parë të muajit gusht nga data 1-7, ka realizuar 40 urdhëresa të gjykatave për vepra të ndryshme penale.

Në njoftim bëhet e ditur se edhe në ditët në vijim do të vazhdohet me realizimin e urdhëresave të tilla, përcjell TV TEMA.

Policia fton qytetarët të bashkëpunojnë nëse kanë informacione për personat e kërkuar nga organet e rendit.

Njoftimi i plotë i Policisë:

Realizimi i urdhëresave të gjykatës gjatë javës

Policia Rajonale e Ferizajt ka vazhduar me aktivitetet e saja, sipas planit operativ, realizimi i urdhëresave të Gjykatave Themelore.

Në kuadër të këtij aktiviteti, gjatë javës që shkoi nga data 01-07/gusht/2022 janë realizuar 40 urdhëresa të gjykatave kompetente për vepra të ndryshme penale.

Policia Rajonale e Ferizajt do të vazhdojë edhe në ditët në vijim me realizimin e urdhëresave ndaj personave që ende nuk i janë përgjigjur thirrjes së gjykatës.

Ftojmë qytetarët të bashkëpunojnë me policinë. Nëse kanë informacione për personat që janë të kërkuar nga organet e rendit, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.

Të dhënat e juaja do të ruhen në konfidencialitet të plotë.