Ferizaj

Importi dëmton prodhuesit vendor

Published

8 years ago

13 October, 2018

Vjeshta është stina kur bëhet vjelja e shumicës së pemëve, perimeve e të mbjellave të tjera. Për t’i ekspozuar dhe shitur ato, tregu i gjelbër është vendi më i përshtatshëm për tregtarë. I mbushur me prodhime kryesisht vendore, sot ishte edhe tregu i Ferizajt. Megjithatë, shitësit u shprehën të pakënaqur me rendimentet e sivjetme për shkak të reshjeve të shumta të shiut dhe për shkak të konkurrencës nga importi.

“Janë prodhime vendore, janë bio, ka molla, qepë, qylaha, molla sivjet ka shumë, por kualiteti është më i dobët për shkak të lagështisë së madhe që ka pasur dhe ajo ka ndikuar tek fruti, janë shumë të dëmtuara. Institucionet nuk janë duke bërë asgjë për bujqësinë, nuk kemi as mbrojtës nga breshëri, as nuk të financion, në bujqësi më shtrenjtë është plehu se mielli, ndërsa për mollat populli nuk mundet me i konsumu sa shumë prodhime kemi sivjet, me pas fabrika do të ishte më ndryshe se i kishim dërgu atje”, tha Mërzen Jahiri.

“Kultivoj brokull, karrota, majdanoz, marulla, spinaq, e perime të tjera. Janë të gjitha prodhime vendore, është vështirë me i kultivu pasi pagesa është e vogël, majde sivjet ka qenë dobët me rendimente për shkak të shiut dhe na mungon përkrahja e Qeverisë, por ne duhet të mbijetojmë”, tha një tjetër prodhues.

“Kemi patate, qylah, kunguj, qepë. Mirë është duke shku puna, i kemi diku 100 hektarë dhe mirë ia vlenë, që 25 vite merrem me këtë veprimtari, çdo ditë jemi në treg dhe jemi të kënaqur”, tha Herolind Krasniqi.

“Punojmë me lule, e kemi një lulishte, mirë shkon, edhe pse jo shumë të kënaqur me çmimin por çka të bëjmë, nuk ia vlenë edhe shumë, por mos me dalë rrugëve”, tha Isak Ila.

“Ne merremi me pemëtari, me gjëra dekorative si pisha, lule, punojmë sa për një idare megjithëse pak ka shitje, por ne mundohemi në mënyrën tonë, çmimet gjithmonë i vendosim në bazë të popullit, më mirë me punu pak se me nejtë”, tha një tjetër kultivues.

Kurse, blerësit vlerësojnë se çmimet janë të arsyeshme duke pasur parasysh kualitetin e prodhimeve vendore.

“Çmimet në treg ndonjëherë janë më të ulëta e ndonjëherë më shtrenjtë, turshitë i kemi kry, në fillim kanë qenë lirë e tani pak janë shtrenjtë, por me rëndësi që diku janë kualitet, mirë është”, tha një blerës.

“Po shihet se molla është kualitet, kultivuesi i ka ruajtur mirë, unë jetoj në Zvicër por vijë kur është koha e pemëve e perimeve dhe i marrë”, tha një tjetër blerës.

Megjithë prodhimet e shumta në vend, të cilat mund t’i mbulojnë nevojat e popullatës, importi vazhdon të mbetet problem shumë i madh për prodhuesit vendor. Importuesi më i madh në Kosovë mbetet Serbia, ku sipas të dhënave zyrtare janë mesatarisht rreth 400 milionë euro në vit produkte të ndryshme që importohen nga ky shtet.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar