Ferizaj

Teatri i Ferizajt në përgatitje për ”Festivalin e Teatrove”

Published

7 years ago

15 October, 2018

Teatri “Adriana” në Ferizaj, është në fazën e fundit të përgatitjeve për organizimin e ”Festivalit të Teatrove”, i cili fillon më 21 tetor.

Në edicionin e 48-të të këtij festivali do të marrin pjesë shtatë shfaqje konkurruese, të cilat do të prezantohen nga trupat teatrore të Kosovës, Maqedonisë dhe Shqipërisë.

Drejtori i teatrit “Adriana”, Fatmir Hyseni, bëri të ditur se gjatë 8 netëve sa do të zgjas festivali do të ketë mysafirë të shumtë nga vendi dhe rajoni.

“Të gjitha përgatitjet janë kah përfundimi, normal që teatri gjithmonë ka punë deri kur fillon festivali pasi ka kërkesa të ndryshme, mund të ndodhë ndonjë ndryshim. Janë shtatë shfaqje konkurruese, është Teatri Kombëtar i Kosovës, Teatri i Gjilanit, i Prizrenit, Teatri i Ferizajt, Teatri i Kumanovës, është një koproduksion i teatrit të Korçës dhe Tiranës, këto konkurrojnë për 10 çmime, aktivitetet përcjellëse të festivalit si gjithnjë do të ketë tryeza, seminarë, do të ketë performanca nga të rinjtë në rrugë për teatrin dhe kryesisht do të jetë festë”, tha Hyseni.

Hyseni, tha se e veçantë e këtij edicioni është shfaqja “Le Pont” nga Franca e cila është jashtë konkurrencës, ku pjesë e saj janë edhe dy aktorë shqiptar.

“Është një shfaqje jashtë konkurrence prej France, është shfaqje mysafire dhe prezantohet për herë të parë në Kosovë, është me aktorë shumë të mëdhenj shqiptar janë Rexhep Mitrovica dhe Arben Bajraktaraj dhe duke marrë parasysh që Rexhep Mitrovica asnjëherë nuk ka luajtur në Kosovë dhe të gjithë artdashësit kanë dëshirë ta shohin njëherë, sepse ai ka bërë një karrierë në Francë dhe nuk e kanë parë asnjëherë duke luajtur në Kosovë”, tha Hyseni.

Hyseni, njoftoi se akoma nuk kanë vendosur se me çfarë shume financiare do të shpërblehet çmimi i parë, por tha se shuma do të jetë më e lartë se viteve të tjera. Po ashtu, theksoi se për përbërjen e jurisë dhe çmimin e biletave të këtij festivali, do të vendoset në një mbledhje të ardhshme.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.