Ferizaj

Nis ndërtimi i sallës së edukatës fizike në Balaj

Published

7 years ago

15 October, 2018

Me duartrokitje të pandërprera u prit sot në fshatin e tij të lindjes, kryetari i Ferizajt Agim Aliu. E, këtë entuziazëm nxënësve të shkollës së fshatit Balaj, Aliu ua ktheu me nga një tungjatjeta gjithsecilit.

Në oborrin e shkollës “Pavarësia” në Balaj, sot nisi ndërtimi i një salle të edukatës fizike e cila u tha se do t’iu shërbej nxënësve, por edhe gjithë banorëve të këtij fshati. Në përurimin e këtij projekti, kryetari Agim Aliu tha se qeverisja e tij po i kthen investimet tek sporti me qëllim të largimit të fëmijëve nga dukuritë negative.

“Ajo që ne sot punojmë është që vërtetë e ardhmja e sigurt këtu dhe që njerëzit mos të frikësohen nga e ardhmja këtu dhe fakti që ne investojmë në arsim është sigurt bazament që ne ecim rrugës së duhur. Ky nuk do të jetë investimi i vetëm në komunën e Ferizajt, kjo do të jetë një sallë e edukatës fizike që në radhë të parë do t’u shërbej banorëve të këtij lokaliteti, por edhe gjithë grykës së Nerodimes. Këso salla do të realizojmë edhe në lokalitete të tjera. Me këtë investim ne dëshirojmë t’i shmangim nxënësit nga dukuritë deviante”, tha Aliu.

Projekti për ndërtimin e sallës së edukatës fizike po konsiderohet si më i qëlluari në këtë fshat.

“Kjo kërkesë ka qenë e kahmotshme, për një sallë të tillë kemi pasur nevojë edhe ne mësimdhënësit, por më së shumti vet nxënësit. Prandaj, mund të them lirisht ky projekt do të jetë në funksion të së mirës për nxënësit e këtushëm”, tha drejtoresha e shkollës, Safete Tahiri.

Ky projekt komunës së Ferizajt do t’i kushtoj rreth 300 mijë euro.

Ferizaj

Zbulohen pesë emigrantë në një kamion në Terminalin Doganor në Ferizaj

Published

19 hours ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

2 days ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”

Ferizaj

Shoferi gjobitet me 500 € dhe i konfiskohet vetura pasi shkeli masën e ndalimit të vozitjes

Published

2 days ago

11 July, 2025

Redaksia

Policia në Ferizaj ka konfiskuar një automjet të tipit Golf, pasi gjatë kontrollit policor është konstatuar se shoferi ishte aktualisht nën masën mbrojtëse “Ndalim i drejtimit të mjetit.”

Sipas njoftimit të policisë, gjatë kontrollit të trafikut më 10.07.2025 në rrugën “12 Qershori” në Ferizaj, u konstatua se shoferi B.K., 25 vjeç, kishte të shqiptuar një masë të mëhershme të heqjes së patentë shoferit nga data 17.04.2025 deri më 16.07.2025, dhe i njëjti po drejtonte automjetin në kundërshtim me vendimin.

Si pasojë, ndaj tij është shqiptuar gjobë për kundërvajtje trafiku në vlerë prej 500€, janë aplikuar 5 pikë negative dhe masa mbrojtëse – ndalim i drejtimit të mjetit për 6 muaj.

Për shkak të pikëve të akumuluara dhe kundërvajtjeve të përsëritura, është vendosur edhe masë mbrojtëse shtesë prej 12 muajsh, si dhe është konfiskuar automjeti.