Ferizaj

Pas kundërshtimeve të qytetarëve, ndryshohet projekti ”Bashkimi i Qytetit”

Published

8 years ago

20 October, 2018

Bizneset që operojnë përgjatë rrugës “Madeleine Albright” në Ferizaj, pas një jave larguan mbishkrimet që i kishin vendosur nëpër lokalet e tyre ku shkruante ”Shiten objektet për shkak presionit nga komuna për përfitime të veta”, duke kundërshtuar kështu projektin “Bashkimi i Qytetit”. Pas protestave në forma të ndryshme, banorët dhe bizneset e kësaj rruge arritën marrëveshje me komunën e Ferizajt, zyrtarët e së cilës u kanë premtuar atyre ndryshim të projektit.

Arkitekti i këtij projekti, Arsim Murseli, tha se do ta ndryshojnë projektin ”Bashkimi i Qytetit”, edhe pse një gjë e tillë do t’iu kushtoj më shumë.

“Pas debatit që kemi pasur në Televizionin e juaj kërkova të kontaktoj me ta pasi kontakti direkt është më i mirë, pas takimit tonë të enjten me banorë erdhëm deri tek një konkludim për një zgjidhje të re me të cilën do të jemi të kënaqur të gjithë, pra zhvendosja e nënkalimit nga rruga “Madeleine Albright” dhe shndërrimi i asaj rruge komplet në shesh dhe tani jemi në proces dhe në këtë mënyrë do të jemi të kënaqur të gjithë, edhe pse pak do ta rrisë koston. Zhvendosja e nënkalimit do të jetë te rrethi dhe aty nuk i pengon askujt, kryetari është në pajtueshmëri me zgjidhjen e cila do të bëj të mundur strukturën e projektit”, tha Murseli.

Për arritjen e kësaj marrëveshje u shprehën të kënaqur bizneset e kësaj rruge.

“Kemi qenë të pakënaqur me projektin që ka qenë duke u zhvilluar, mirëpo tani kemi marrë një përkrahje nga institucionet se do të bëjnë një ndryshim për të mirën e rrugës dhe banorëve që punojnë këtu, kështu që e kanë marrë një vendim që në këtë projekt të bëhen ndryshime dhe sipas tyre ka me ardhë në gjendjen se si është dhe nuk rrezikohet asgjë, kemi marrë premtime edhe pse jo me shkrim, por gojarisht jemi marrë vesh që të bëhet zgjidhje”, tha Alban Bytyqi.

“Kemi bërë një bisedë me kryetarin Aliu dhe ai i ka dërguar arkitektët e kanë shikuar vendin, kryetari i komunës ka thënë që nuk është me dëmtu asnjë banor në qytetin e Ferizaj dhe ka thënë që është një kryetar që ka dëshirë me ecë bizneset përpara dhe ka me dërgu arkitektin dhe me shiku vendin ku nuk dëmtohet asnjë banorë dhe ka ardhë arkitekti Arsim Murseli e ka hulumtu vendin dhe e ka shiku ku nuk dëmtohet askush dhe ku është një vend i mirë dhe që jemi dakord të gjithë, arkitektit i ka dalë pak punë dhe ne i besojmë tani, prandaj i kemi heq letrat, janë duke e bërë afër rrethit tani”, tha Edision Bytyqi.

Avokati i bizneseve dhe banorëve të rrugës “Madeleine Albright”, Gazmend Rexhepi, tha se pas arritjes së marrëveshjes i kanë tërhequr kërkesat që i kishin parashtruar në Ministrinë e Planifikimit Hapësinor dhe në gjykatë.

“Unë jam informuar nga banorët se kanë pasur një takim me projektuesit dhe kryetarin e komunës ku janë aprovuar kërkesat e tyre që ky projekt me ndryshu dhe me u zbritë më poshtë dhe kjo është e mirë se realisht institucioni i ka marrë parasysh kërkesat e banorëve ku është duke u cenuar interesi i tyre. Tash unë në cilësinë e avokatit të këtyre banorëve i kam stopuar kërkesat që i kemi bërë në Ministrinë për Planifikim, sepse kemi konsideru që ky projekt bie në kundërshtim me Planin Zhvillimor Urban dhe njëkohësisht e kemi ndalur propozimin në gjykatë për caktimin e masës së sigurisë dhe bllokimin e këtij projekti meqenëse palët kanë arritur një marrëveshje, kanë premtime nga institucioni se do të ndryshohet projekti dhe nuk kemi nevojë më këto kërkesa me i parashtru”, tha Rexhepi.

Banorët dhe bizneset të cilat funksionojnë në këtë rrugë, paralajmëruan radikalizim të protestave nëse projekti ”Bashkimi i Qytetit” nuk realizohet sipas marrëveshjes së arritur.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar