Ferizaj

Përkujtohet dëshmori Uran Tinova

Published

6 years ago

22 October, 2018

Në 20 vjetorin e rënies me homazhe është përkujtuar dëshmori, Uran Tinova, trupi i të cilit pushon në Kompleksin e Varrezave të Dëshmorëve në Ferizaj.

Nënkryetari i Organizatës së Veteranëve të Luftës së UÇK-së në Ferizaj, Luan Jahiri, u shpreh se sakrifica e dëshmorëve duhet të shpërblehet duke punuar për zhvillimin e vendit.

“Urani ka qenë pjesë e sturkutrave të para të UÇK-së, unë nuk kam pas fatin ta njoh personalisht, por ne sot jemi krenarë dhe mundohemi të jemi drejt rrugës që dëshmorët na e kanë sjellur lirinë”, tha Jahiri.

Trimërinë dhe sakrificën e dëshmorit Tinova, e çmuan lartë edhe bashkëluftëtarët e tij.

“Është një përkujtim i veçantë i dhembjes dhe krenarisë sonë, i sakrificës sonë për liri. Uranin kam pas fatin ta njoh qysh në orët e para të UÇK-së, ishte ndër ushtarët e parë të UÇK-së nga Ferizaj, krenaria e jonë, e kombit, e Ferizajt, një djalë i ri i cili ishte i gatshëm të sakrifikohet për lirinë e vendit”, tha deputeti i Kuvendit të Kosovës, Bekim Haxhiu.

Dëshmori Uran Tinova nga Ferizaj, ishte vrarë me 22 tetor të vitit 1998.

Ferizaj

Arrestohet një ish zyrtar i gjendjes civile në Ferizaj

Published

23 hours ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

2 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

2 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.