Ferizaj

Vazhdojnë aktivitetet në muajin kundër kancerit të gjirit

Published

7 years ago

26 October, 2018

Në kuadër të aktiviteteve që po mbahen në muajin e ndërgjegjësimit kundër kancerit të gjirit, klubi i të rinjve Rin’On në Ferizaj, organizoi një ligjëratë për t’i informuar femrat për këtë sëmundje dhe rëndësinë e kontrolleve mjekësore.

“Muaji tetor simbolizohet si muaj për ndërgjegjësimin e kancerit në gji, e kam marrë një iniciativë për me organziu një debat me gratë dhe të gjithë ata që janë të interesuar së bashku me dy ligjërues, është gjinekologu Dardan Baftiu dhe nutricistja Diola Dosti-Baftiu, ata do të na tregojnë simptomat që ka kanceri i gjirit. Kjo inciativë ardhur duke parë që shumë gra kanë brenga për këtë sëmundje”, tha Aulona Gashi, anëtare e klubit Rin’On.

Ligjëruesit thanë se është shumë e rëndësishme që të ngriten njohuritë rreth kancerit të gjirit, sepse zbulimi i hershëm shpëton jetë.

“Ne punojmë veç e veç me secilën femër për këtë çështje, por ky muaj na shërben me taku më shumë femra me i vetëdijësu rreth kësaj sëmundje e cila është e shpeshtë tek gjinia femërore, në Kosovë nuk i di shifrat saktë, por e di se probabiliteti që një femër të preket nga kanceri i gjirit është 12-17 % gjatë jetës së vet, por ajo që është me rëndësi është që secila femër duhet të kujdeset për shëndetin e saj dhe të vetëdijësohet për këtë sëmundje, edhe pse vitet e fundit interesimi dhe nevoja për të pasur sa më shumë shërbime shëndetësore po kërkohet nga popullata, ne bëjmë apel që gratë të kenë një kujdes sa më të mirë ndaj shëndetit të vet dhe mos t’i lënë gjërat të vijnë deri atëherë kur bëhet vonë”, tha gjinekologu Dardan Baftiu.

“Në bazë të studimeve të fundit kanceri i gjirit mund të parandalohet, por edhe të menaxhohet por jo të them shërim, pasi shërim është fjalë e madhe, por që deri diku mund të menaxhohet me konsumimin e ushqimeve të ndryshme, ndryshimin e mënyrës së të jetuarit duke përfshirë këtu ecjen, meditimin, joga, ndoshta për njerëzit që jetojnë këtu mund të jetë jo shumë e “klikuar”, mirëpo vërtetë ka një ndikim të jashtëzakonshëm, por ajo që është me rëndësi është që njerëzit e prekur duhet të marrin informacione nga profesionistë adekuat për këtë problem”, tha nutricistja Diola Dosti- Baftiu.

Gjatë muajit tetor në komunën e Ferizajt janë organizuar dhjetëra aktivitete që kishin për qëllim sensibilizimin e shoqërisë për këtë sëmundje.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.