Ferizaj

Vetëm 3 nga 69 premtime të përmbushura deri tani nga Agim Aliu sipas GAP-it

Published

4 years ago

24 October, 2022

Në zgjedhjet lokale të 17 tetorit 2021, në Ferizaj me mbi 62% të votave në garën për kryetar të Komunës kishte fituar Agim Aliu nga PDK.

Instituti GAP, Aliut dhe kryetarëve tjerë të Komunave u ka mbledhur premtimet zgjedhore dhe mban shënime se sa nga to i kanë përmbushur.

Sipas të dhënave të këtij instituti, Agim Aliu në garën zgjedhore të vitit 2021 kishte dhënë plot 69 premtime për ferizajasit.

Gjithmonë duke u bazuar në të dhënat e këtij instituti, nga këto 69 premtime deri tani(1 vit pas zgjedhjeve), Aliu ka përmbushur 3 premtime, 3 të tjera i ka gjysmë të përmbushura, 14 i ka filluar kurse 49 premtimeve tjera as që ia ka filluar të merret me to.

Tre premtimet e përmbushura deri tani janë: Transparenca e plotë e shpenzimeve buxhetore, premtim për të cilin instituti GAP thotë se të hyrat dhe shpenzimet e Komunës janë të përditësuara në baza mujore në web-faqe; Ofrimi i shërbimeve me modelin “One-stop-Shop”, gjë e cila implementohet brenda objektit të Komunës dhe ka filluar nga gjysma e mandatit të kaluar pra nuk është risi; dhe premtimi i tretë “Ruajtja e pyjeve dhe zgjerimi i pyllëzimit”, premtim për të cilin GAP-i thotë se në pesë lokacione të laurave ku bëhet kontrollimi i hyrje daljeve të automjeteve. Po ashtu, në këto lokacione janë të vendosura edhe kamerat.

Si gjysmë të përmbushura nga GAP-i konsiderohen tri premtime të Agim Aliut, saktësisht ai për subvencionet dhe granteve për fermerë që sipas këtij instituti janë bërë dy shpallje për grante, një në muajin mars ku kanë përfituar 13 fermerë dhe një në muajin qershor e që sipas këtij instituti akoma nuk është bërë përzgjedhja e fituesve(edhe pse sipas faqes në facebook të Drejtorisë së Bujqësisë, për dy thirrjet e shpallura në qershor, atë për multikultivatorë e freza dhe për thirrjen për serra e sistemin e ujitjes pikë-pikë janë shpallur fituesit); Premtimi i dytë gjysmë i mbajtur konsiderohet të jetë premtimi për përfundimin e punimeve në pallatin e kulturës, ku sipas GAP-it shumica e ndërtimit të vrazhdë ka përfunduar; Premtimi i tretë gjysmë i mbajtur konsiderohet ai për rritjen e mbështetjes financiare për skenën e pavarur kulturore, për të cilën thuhet se janë mbështetur 61 përfitues por nuk tregohen shumat të cilat i kanë përfituar ata.

Sipas këtyre të dhënave, kryetari Aliu ka premtuar rritjen e shumës së bursave për studentë por deri në muajin qershor nuk ka pas as listë se kush ka përfituar bursë.

Për rregullimin e oborreve të shkollave thuhet se gjatë periudhës janar-qershor u rregullua oborri i vetëm një shkolle.

Shndërrimi i shkollës së mesme teknike në shkollë të teknologjisë informative ka filluar vetëm me vlerësimi lidhur me kuadrot që duhet dhe lëndët që mund të ofrohen në procesin final të transformimit të kësaj shkolle nga teknike në teknologjike.

Për rikonstruktimin e parkut “Liria”, GAP-i thotë se krejt çka ka ndodhur është se “ky projekt fillimisht iu është nënshtruar konkursit publik për projektim dhe është bërë përzgjedhja e fitueseve të projektimit”.

Rreth ngritjeve të kapaciteteve për kompaninë “Pastërtia”, në të dhënat e Institutit GAP thuhet se krejt çka ka ndodhur është marrja e kamionëve si donacion nga Qeveria e Japonisë.

Të gjithë premtimet e kryetarit Aliu, si ato të përmbushura edhe ato të papërmbushura mund të gjenden në këtu.

Përgjegjësinë për saktësinë e këtyre të dhënave e mban Instituti GAP

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

1 week ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG