Ferizaj

Visar Azemi në krye të LDK-së së Ferizajt dy javë pas aderimit

Published

3 years ago

11 November, 2022

Ka pak më shumë se 2 javë që prej kur Kryetari i LDK-së Lumir Abdixhiku prezantoi prurjen e re në parti, Visar Azemin.

TV TEMA, nga burime brenda kësaj partie mësoi se Abdixhiku ka vendos që Azemit t’i ja jep udhëheqjen e degës së LDK-së në Ferizaj.

Megjithatë, Flamur Istrefi, kryetar i Komisionit koordinues për zgjedhjen e kryetarit të ri të degës thotë se janë në fillimin e procesit të zgjedhjes së kryetarit të ri dhe se kandidatura zyrtare nuk ka ende.

“Ka zëra në anëtarësi, ka 2-3 kandidatura të cilat nuk janë publike, ato do të bëhen publike në ditën e mbajtjes së Kuvendit. Zyrtarisht nuk kemi asnjë emër por gara ende sapo ka filluar në anëtarësi“, deklaroi Istrefi.

Istrefi, i cili për momentin edhe udhëheqë me degën e LDK-së tregon se Këshilli i Përgjithshëm i kësaj partie ka vendos që në degët ku nuk pati rezultate të mira të ketë zgjedhje të brendshme.

“Pas një analize në teren do të shpallim afatin për kandidatura. Besoj se do jetë proces i shpejtë, për shkak se LDK ka nevojë ta ketë të parin e saj dhe të bëjmë opozitarizëm siç na ka hije“, shtoi Istrefi.

Istrefi u bëri thirrje të larguarve por edhe atyre që mendojnë se mund të kontribuojnë brenda kësaj partie që t’iu bashkohen për shkak se siç thotë ai tanimë është krijuar një frymë e re e ndryshimit brenda LDK-së.

Video lajmi:

Ferizaj

Humb jetën nxënësi 15 vjeçar në ambientet gjimnazit në Ferizaj

Published

2 days ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

2 days ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

3 days ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.