Që nga sot qytetit të Ferizajt iu shtua edhe një hotel-restorant me standarde të larta të shërbimit. Nga një godinë e vjetër e mbetur prej ish-fabrikës së drurit, sot një objekt luksoz i ndërtuar me shumë shije e precizitet, ndodhet ky hotel me emrin “Rubis”. Përveç dhomave të mjaftueshme, ky hotel posedon sallë të konferencave, qendër fitnesi, salla për aktivitete të ndryshme, paradhoma për mysafirë, e shumë risi të tjera. Por, ajo që e dallon këtë hotel nga hotelet e tjera, është që “Rubis” do të kujdeset që përmes shërbimit t’ia kthej turizmin Ferizajt. Për më shumë detaje flet menaxheri Baton Beqa.
“Ne kemi punuar edhe me njerëzit që do të angazhohen në recepsion, ku ata janë duke e studiuar qytetin në anët gjeografike, monumentet se çfarë mund të jenë atraktive për t’u vizituar në këtë komunë, kështu që do të bëjmë hartat ku turistët ose mysafirët tonë do t’i orientojmë për t’i vizituar ato vende ku me këtë rast kujtoj se kjo do të sjellë më shumë turistë dhe miqë në komunën e Ferizajt“, tha Beqa.
Të veçantën e hotelit “Rubis” do ta sjellë restoranti në të cilin u investua aq shumë për të ofruar cilësi dhe komoditet. Karshi emrit qëndron edhe ngjyra e gjelbër që dominon. Ndërsa, kur jemi tek shërbimi, Beqa tregon se këtu do të ketë ushqim të të gjitha llojeve, por kryesisht do të shërbehet ushqimi mesdhetar. Ai tha se do të ketë meny ditore për ata që punojnë çdo ditë, si dhe specialitete të ditës që do të jenë në kuadër të menysë ekstra. E, ajo që sipas Beqës do të sjellë risi në këtë qytet, është që në pranverë në restorantin “Rubis” do të organizohen javët ushqimore tradicionale të vendeve të ndryshme të botës.
“Prej marsit do të startojmë me menytë e vendeve mesdhetare, ku do të ketë për shembull meny të kuzhinës turke, ajo do të quhet java turke, mandej do të ketë ushqim tradicional të kuzhinës franceze, ajo spanjolle, italiane, thjesht gjatë tërë vitit do të ketë laramani të ushqimeve nga vende të ndryshme. Kuzhinierët i kemi të kualifikuar për këtë gjë, ndërsa për produktet mund të them se shumica e tyre ndodhen në tregun tonë ose afër nesh. Mund të them se tash e katër muaj jemi duke hulumtuar dhe kemi siguri që do të kemi furnizim të mirë. Menynë do ta kemi me kalori të shënushme, ndërsa cilësia do të jetë niveli më i lartë që në pretendojmë, kështu që pastërtia dhe cilësia tek ne do të kenë 0 tolerancë. Thjesht ne do të funksionojmë sipas thënies së njohur “Dashnia shkon përmes lukthit” e ne do të krijojmë ushqime të mira për një lukth të shëndosh“, tha Baton Beqa.
E, sa u përket çmimeve, në shikim të parë qytetari merr përshtypje që këtu nuk mund të ushqehesh me pak para. Por, drejtues të “Rubis”, thonë se kanë menduar edhe për standardin e këtushëm ekonomik.
“Ne do të jemi me çmime aty ku e mban xhepi ynë, nuk do të thotë se ne kemi investuar kaq shumë në interier apo edhe gjëra të tjera e të jemi me çmime të larta. Jo, çmimet do të jenë si ato të tregut të këtushëm. Ndoshta në disa ushqime speciale ai do të dalloj, por jo në përditshmëri, këtu mund të ushqehesh pothuajse si në shumicën e restoranteve të Kosovës. Mund të them se për një çift të ri një darkë speciale mund të kushtoj deri në 30 euro”, u shpreh menaxheri Baton Beqa.
Për t’i dhënë edhe më shumë shije, në restorantin “Rubis”që ndodhet tek qendra “The Village Shopping and Fun”, ushqimi do të shërbehet në kombinim me verën që i shkon, llojet e të cilave janë të përzgjedhura nga somelieri Fidaim Rashiti.
Ferizaj1 week ago
Ferizaj2 days ago
Kosovë1 week ago
Kosovë4 days ago
Kosovë6 days ago
Ferizaj2 days ago