Ferizaj

Ligji për duhanin i pazbatueshëm në Ferizaj

Published

8 years ago

12 November, 2018

Për ta zbatuar ligjin për kontrollin e duhanit, siç duket në Ferizaj kanë dështuar të gjitha institucionet. Edhe pse në filim të miratimit të këtij ligji u panë disa përpjekje në këtë drejtim, kohët e fundit sikur të gjithë i mbyllën sytë ndaj kësaj dukurie. Duhani sot po pihet gjithandej, sikur në lokale të mbyllura e po ashtu edhe në vende të tjera publike. Inspektorati komunal po e pranon se kjo është një sfidë e përhershme për ta, pasi që për zbatimin e këtij ligji duhet të jetë një vullnet më i shtuar nga niveli qendror.

“Ka pasur ngecje, ka ngecje ende megjithëse nuk jemi ndalur, puna jonë ka vazhuar sidomos nëpër biznese hoteliere sidomos në ato që funksionojnë mbyllur gjatë natës, kemi shqiptuar edhe fletëparaqitje, por që a jemi të kënaqur jo këtë nuk mund ta them, sepse qëllimin nuk e kemi arritur, sidomos në këtë kohë dimri zbatimi për ligjin për kontroll të duhanit është më sfidues, prandaj na duhet një ndihmë më e madhe nga niveli qendror, prej Agjencionit të Ushqimit. Kjo duhet të merret më seriozisht, por jo vetëm një komunë apo një organ, por nga vet niveli qendror, duhet të bashkëpunojmë inspektorët sanitar të të dyjave niveleve, por edhe një bashkëpunim në këtë drejtim duhet ta kemi me vet pronarët e bizneseve. Kam bindje se edhe këtij problemi inspektorati do t’i dalë në fund. Ne kemi planifikuar që pikërisht këto ditë të dalim me aksione kundër pirjes së duhanit në vende të mbylluara”, tha inspektori Enver Sopa.

Por, një tjetër gjë që sipas Inspektoratit duhet të bëhet para se të fillohet me gjoba, janë fushatat sensibilizuese.

“Megjithëse është më shumë problemi tek vetëdija ne hasim në duhanpirës që tek shtëpitë e tyre nuk e konsumojnë duhanin brenda, e kur dalin nëpër kafene cigaret as që i ndërprejnë. Këtu unë kujtoj se institucionet duhet të bëjnë më shumë në ndërgjegjësimin e kësaj teme”, tha Sopa.

Televizioni Tema, kontaktoi me shumë pronarë të kafeneve të këtushme, të cilët u shprehen të gatshëm për ta zbatuar këtë ligj, por pa dashur të prononcohen para kamerës, shumica prej tyre u ankuan se zbatimi i këtij ligji duhet të bëhet për të gjithë njësoj, pasi që herave të tjera ka pasur seleksionim, diku pihej e diku dënohej.

Ndryshe, sipas ligjit për kontrollin e duhanit, dënimet që shqiptohen për personin fizik cili haset duke pirë duhan është 50 euro, për persona përgjegjës 500 euro, ndërkaq për pronarin e biznesit gjoba shkon deri në 4 mijë euro.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.