Ferizaj

Klasa e parë në Mirosalë e mbingarkuar me nxënës

Published

7 years ago

12 November, 2018

Procesi mësimor në klasën e parë të shkollës fillore “Mejdi Xhaferri”, në fshatin Mirosalë po zhvillohet me vështirësi. E gjithë kjo për shkak të numrit shumë të madh të nxënësve në një klasë. Numri prej 38 nxënësish brenda një klase, po ia pamundëson zhvillimin normal të punës mësueses Meleke Imeri, e cila duhet të punoj me secilin nxënës veç e veç kur dihet rëndësia që ka për fëmijë klasa e parë e shkollës.

“Jam mësuese e klasës së parë, po shihet që janë 38 nxënës, nuk ka mundësi brenda një ore mësimore me i verifiku të gjithë, e sidomos kur i mësojnë shkronjat, më duhen katër orë mësimore me i shti me lexu të gjithë, kjo është gjendja, janë nga 3 nxënës me një bankë, kemi edhe ankesa nga prindërit sepse këta janë fillestarë dhe duhet të angazhohemi shumë me ta, pyesin se kur do të bëhet një zgjidhje”, tha Meleke Imeri, mësuese e klasës së parë në shkollën “Mjedi Xhaferri”.

Kurse, drejtori i kësaj shkolle Naim Bytyqi, tha se ka disa muaj që kanë bërë kërkesë në Drejtorinë e Arsimit për ndarjen e kësaj klase, por se ende nuk kanë marrë ndonjë përgjigje.

“Shumica e prindërve që i kanë fëmijët aty janë ankuar pikërisht tek unë si drejtor dhe unë ankesat e tyre i kam përcjellur edhe në Drejtorinë e Arsimit, por edhe kërkesën e kam bërë para disa muajve, me fillim të vitit shkollor kërkesa ka qenë e deponuar në Drejtorinë e Arsimit, ne në atë kërkesë kemi kërkuar të bëhet ndarja në dysh e kësaj klase, pasi 40 minuta ora mësimore po i bie që asnjë minutë të plotë nuk mundet mësuesja t’i përkushtohet një nxënësi. E kemi mundësinë që të ndahet në dysh kjo klasë, por na nevojitet vetëm një mësues apo mësuese. Nga Drejtoria na është thënë që gjoja buxheti është i limituar dhe nuk kemi marrë dritë jeshile, por në të ardhmen po shpresojmë dhe po presim që të na bëhet një zgjidhje dhe do të ndahet kjo paralele”, tha Bytyqi.

Ndërkaq, drejtori i Arsimit në Ferizaj Afrim Llabjani, tha se janë duke e shqyrtuar kerkesën e drejtorisë së shkollës ”Mejdi Xhaferri”, mirëpo tash për tash nuk mund të bëjnë zgjidhje për shkak të pamundësisë për të futur në listë të pagave mësimdhënësin që do ta angazhojnë atje, por theksoi se një problem i tillë do të zgjidhet në gjysmëvjetorin e dytë.

Ferizaj

Arrestohen tre të dyshuar për hajni në disa markete të Ferizajt

Published

5 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: