Në Kosovë shumë rrallë hasen të rinj të cilët e kanë pasion shahun. Megjithatë, dikush familjarisht është i dhënë pas kësaj loje. Endrit e Ardit Uruçi, njëri 18 vjeçar kurse tjetri 16 vjeçar, po arrijnë sukese nëpër shumë gara të ndryshme vendore e ndërkombëtare. Ata thonë se zakonisht në shikim të parë kundërshtarët i mashtron mosha e re që kanë, por se një gjë e tillë ndryshon gjatë zhvillimit të lojës.
“Në vitin 2015 kam fillu me shah me ushtrime dhe kam pasur sukses shumë shpejt, kam arritë me lu me shahistat më të mëdhenj në Kosovë, kam luajtur me të gjithë, më ka ra të luaj edhe me kryemjeshtër të Greqisë e vendeve të tjera kur kam dalë jashtë për herë të parë, kur na ka dërgu në gara evropiane Federata e Shahut edhe atje kam arritë sukses kam qenë 16 vjeç, tash kohën e fundit kam qenë në Greqi në kampionat evropian të klubeve, kam fitu reiting. Kur më shihnin duke lu më thoshin i vogël nuk dinë, por kur i shikonin lojërat me vëmendje e ndryshonin mendimin, ndërsa gara të cilët nuk e kam prit ka qenë olimpiada në Gjeorgji që u mbajt në shtator, por selektori më ka përzgjedhur mua dhe aty më ka ardhur befasi, pasi nuk kam besuar që mund të shkoj”, tha Endrit Uruçi.
“Kam marrë pjesë në kampionat botëror që është mbajtur në Shqipëri, kam pasur sukses, por edhe barazime e humbje, po ashtu kam marr pjesë edhe në kampionat të Kosovës, por nuk kam pasur ndonjë sukses të theksuar, ndërsa tani jam në gara për grupmosha të reja dhe shpresoj mos të më mungojnë sukseset”, tha Ardit Uruçi.
Derisa tregon për trimufet që kanë pasur nipat e tij, Abdurrahman Uruçi, shprehet se shahu është traditë në familjen e tyre, por suksese më të mëdha në shah ka shënuar Endriti.
“Ne si familje shah luajmë moti dhe kryesisht e gjithë familja merret me lojën e shahut, por nga të gjithë Endriti ka arritur suksese më të mëdha në familje, në moshën 17 vjeçare ka arritur të bëhet anëtar i reprezentacionit të Kosovës për të rritur dhe me lojën që ka treguar ka korr një sukses të jashtëzakonshëm, ka marrë pjesë edhe në shtetet frankofone, ku kanë marrë pjesë 72 shtete dhe atye ka treguar një sukses të jashtëzakonshëm, kurse tash para një muaji ka marr pjesë në Greqi në kupën e evropës ekipor ku Endriti ka luajtur për ekipin e Dardanisë dhe ka treguar suksese shumë të mira. Përveç Endritit edhe Arditi ka marrë pjesë në kampionatin botëror vitin e kaluar edhe aty ka treguar një sukses. Këta fëmijë kanë me qenë e ardhmja e Kosovës dhe unë po besoj se kanë me pas një rezultat jashtëzakonisht të mirë”, tha Abdurrahman Uruçi.
Përveç Endritit dhe Arditit, kampion i Kosovës në shah për grupmoshat e reja është edhe vëllai i tyre 12 vjeçar Valentini, i cili që tri vite rresht mban titullin kampion i Kosovës.
Ferizaj2 days ago
Kosovë1 week ago
Kosovë7 days ago
Kosovë7 days ago
Kosovë5 days ago