Ferizaj

Nis ndërtimi i nënkalimit në Varosh

Published

8 years ago

13 November, 2018

Në fshatin Varosh të Ferizajt nisën punimet për ndërtimin e nënkalimit. Ky projekt që pritet të përfundoj brenda dy viteve me një kosto prej 750 mijë eurosh, u vlerësua si shumë i rëndësishëm për banorët e asaj ane.

Kryetari i Ferizajt Agim Aliu, tha se ky lokacion ka qenë pikë e zezë në të cilën kanë humbur jetën shumë qytetarë, andaj me ndërtimin e këtij nënkalimi do të sigurohet lëvizja e lirë e shoferëve dhe këmbësorëve.

“Në këtë lokacion ku gjendemi, në fakt më shumë sesa rëndësia e projektit në kuptimin urban është një projekt i një rëndësie etike, është një projekt që ka të bëj me jetën dhe është një projekt që ka rëndësinë për shkakun se është projekt që siguron kalimin e sigurt të automjeteve dhe të qytetarëve në pjesën tjetër të hekurudhës, prandaj është edhe më i madh falënderimi për qeverinë dhe ministrin Pal Lekaj se me përmushjen e këtij zotimi dhe këtij projekti ne do të kemi kalim të sigurt dhe shpëtim të jetës”, tha Aliu.

I pranishëm në nisje të këtyre punimeve ishte edhe ministri i Infrastrukturës Pal Lekaj, i cili premtoi mbështetje për projektet infrastrukturore në Ferizaj.

‘’Siç po shihet është edhe një projekt i rëndësishëm për qytetarët e Ferizajt, një projekt që ka ndikim pozitiv edhe në modernizimin e hekurudhave, është një paralajmërim që ne jemi të përkushtuar që të zhvillojmë edhe hekurudhat në Kosovë e sidomos këtë trase që shumë qytetarë kanë pësuar për mos intervenim, pra ky projekt është shumëdimensional që ndikon në sigurinë e qytetarëve, në zhvillimin e infrastrukturës hekurudhore dhe rrugore dhe mbi të gjitha mbron jetën e qytetarit. Ne jemi të përkushtuar që të jemi mbështetës të fuqishëm të komunave e në këtë rast të kryetarit që ka trguar një lidership komunal që i mbron interesat e qytetarëve dhe që është i përkushtuar për sigurinë e tyre dhe për zhvillimin në përgjithësi të Ferizajt”, tha Lekaj.

Gjatë vizitës në Ferizaj, ministri Lekaj u pyet nga gazetarët për asfaltimin e rrugës Babush-Tërn-Luboc-Koshare e Slivovë.

”Sa i përket zotimit tonë ne i kemi kryer të gjitha obligimet tona, procedurat janë në Zyrën e Prokurimit prandaj si ministër nuk mund të përzihem në procedurat ligjore të prokurimit publik dhe mendoj që shumë shpejt do të përfundojnë procedurat, ka pasur ankesa të vazhdueshme që e kanë stërgjatur këtë projekt, por pa fajin tonë, por ne jemi të përkushtuar që të ndodhë ai projekt dhe shpresoj se ditët në vijim do të firmoset kontrata”, tha Lekaj.

“Nuk e përmendi ministri, por dua të dëshmoj se kjo qeveri ka krijuar seriozitet edhe për vet faktin se ka vë mjete në dispozicion të cilat janë të mundshme për t’u realizuar projekti, ndërsa ato që kanë qenë nga qeveria e dikurshme kanë qenë minimaliste, kanë qenë 50 mijë euro, ndërsa tani është shumë më e madhe dhe shumë e sigurt për të filluar projektin e Tërrnit”, tha Agim Aliu.

Nënkalimi në fshatin Varosh është pjesë e projektit për rikonstruimin e rrugës Varosh-Gërlicë, i cili është paraparë të kushtoj mbi 2 milionë euro me një kohëzgjatje prej 36 muajve.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.