Ferizaj

Mungesa e sallave sportive shqetësim për sportistët ferizajas

Published

8 years ago

21 November, 2018

Mungesa e sallave të sportit po ua vështirëson shumë punën klubeve sportive në Ferizaj. Shumica e klubeve të këtushme të sportit kanë në dispozicion vetëm palestrën e sporteve “Bill Clinton”, gjë e cila po u shkakton probleme në stërvitje.

Trajnerja e klubit të basketbollit “Kastrioti” Kimete Haliti, tregoi për vështirësitë që po ua paraqet mungesa e sallave sportive në Ferizaj.

“I kemi tri termine në javë edhe ato janë nga ora 13:30 deri në orën 15:00, nuk është e mjaftueshme pasi jemi në gara me dy grupmosha, jemi me senior dhe U14, por për shkak të mungesës së termineve e shfrytëzojmë veç këtë termin, është pak problem pasi shumica e vajzave janë në shkollë në këtë kohë dhe është shumë termin i papranueshëm, por nuk kemi hapësirë tjetër. Është shumë problem kjo pasi duhet të ketë stërvitje çdo ditë, madje dy herë në ditë nëse duam të arrijmë diçka, por me këtë numër të stërvitjeve nuk besoj se do të arrijmë shumë rezultate të mëdha”, theksoi Haliti.

Përveç kësaj, Haliti shprehet e pakënaqur edhe me kushtet që ofrohen në këtë sallë.

“Temperaturat janë shumë të ftohta sidomos në këtë kohë, por jemi duke u lutur që të kryhet kampionati pa lëndime, po ashtu koshat janë shumë të vjetër, prej se është ndërtu salla nuk ka pasur ndonjë renovim, përveç kësaj edhe koshat duhet të jenë lëvizës pasi kemi gjenerata të vogla dhe koshat duhet me qenë që ulen “, tha Haliti.

Kurse, drejtoresha e Kulturës, e Rinisë dhe e Sportit Xhemile Murati-Shabani, tha se komuna e Ferizajt këtë vit veçse ka filluar me ndërtimin e qendrës sportive në Greme dhe ndërtimin e palestrës në Balaj, ndërsa kanë planifikuar që në vitin e ardhshëm të ndërtojnë palestrën e sporteve individuale.

“Pothuajse të gjitha klubet që veprojnë në komunën e Ferizajt e kanë hapësirën në objektet tona sportive, mirëpo megjithatë ne kemi menduar edhe për një plan më afatgjatë që t’u bëjmë një zgjidhje për një periudhë më të gjatë që në buxhetin e komunës së Ferizajt për vitin 2019 e kemi paraparë edhe ndërtimin e palestrës për sporte individuale, në këtë rast sporteve luftarake të komunës së Ferizajt që të kenë hapësira të mjaftueshme për zhvillimin e aktiviteteve të tyre, mirëpo megjithatë kemi paraparë edhe renovimin e palestrës së sporteve “Bill Clinton” gjë që për momentin ndoshta nuk i plotëson nevojat aq sa duhet, por me një renvoim besoj se do të jetë një objekt shumë më i përshtatshëm”, tha ajo.

“Komuna jonë ka një armatë të gjeneratës së re dhe kështu që vërtetë ata kanë nevojë për stërvitje. Ne për momentin kemi dy-tri objekte sportive që janë funksionale ekzistuese, palestra dhe dy stadiumet e futbollit, por të gjitha klubet sportive që i kemi në komunën tonë shfrytëzojnë palestrat sportive, një pjesë e klubeve që nuk kanë mundësi për shkak të ngufatjes së madhe në palestrën “Bill Clinton”, janë nëpër palestra të shkollave që kryesisht janë sporte luftarake, kërkesat janë shumë më të mëdha që të kemi termine shumë më shumë, por megjithatë vetëm klubet e fuqishme që janë në superligën e parë kanë nga 5 termine, ndërsa klubet tjera që janë në rangun më të ulët kanë tri termine”, tha Bashkim Haxhimusa, udhëheqës i sportit në Ferizaj.

Sallën e sporteve “Bill Clinton” në Ferizaj e shfrytëzojnë 22 klube të ndryshme, stadiumin 7 klube, kurse disa të tjera i shfrytëzojnë sallat sportive të shkollave.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 hour ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

18 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar