Ferizaj

Përmes marshit fëmijët kërkojnë vëmendjen e prindërve

Published

8 years ago

22 November, 2018

“Luaj me mua jo me telefon”, “Përgjigjju thirrjeve të mija, jo atyre në telefonin tënd”, ishin disa nga mbishkrimet e pankartave që fëmijët i mbanin në duar gjatë marshit të sotëm të organizuar në Ferizaj, përmes së cilit shprehën pakënaqësitë ndaj prindërve të cilët më shumë i kushtojnë vëmendje telefonit sesa fëmijëve.

“Ne po protestojmë sepse disa nga prindërit tanë po merren më shumë me telefona sesa me neve, ne po protestojmë që ata të merren më shumë me neve sesa me celularët e tyre”, tha Arsim Rexhepi.

“Kam dalë me protestu se prindërit tanë po merren shumë me telefona dhe nuk po interesohen edhe aq shumë për neve, ndërsa neve na u duhet ndihma e tyre”, tha Omer Salihu.

“Prindërit nuk po kujdesen shumë për fëmijët, edhe pse prindërit e mi kujdesen për mua, por unë sot kam dalë që të mbështes shokët e mi”, tha Laura Selmani.

Megjithë thirrjet që u kushtoheshin prindërve, aty u pa një numër simbolik i tyre. Adelina Hoxha, tha se i është bashkuar këtij marshi për shkak se i konsideron të arsyeshme kërkesat e fëmijëve.

“Është shumë e dëmshme, në vend se të merresh me telefon është më mirë t’iu përkushtohesh fëmijës ose me bë aktivitet me fëmijë, për këtë arsye edhe kam dalë me fëmijën tim dhe më vjen keq që nuk ka prind të mjaftueshëm për me ngrit zërin kundër kësaj dukurie”, tha Adelina Hoxha, nënë.

Sociologia Mimoza Hoxha, tha se moskomunikimi i prindërve me fëmijë është shumë i dëmshëm.

“Fëmijët janë pjesa më e ndjeshme e shoqërisë, por fatkeqësisht prindërit shumë pak merren me ta, teknologjia sikur ka avancuar në të gjitha kohërat, por në këtë kohë është në atë gradën më të lartë dhe fëmijët kanë zbrazëti, kanë mungesë me fol me ta, kështu që sot është një moto shumë e qëlluar, pasi mos përkushtimi i prindërve zakonisht shkakton një mungesë, një paaftësi të komunikimit, mandej mungon socializimi, pasi fëmijët së pari socializohen me prindër mandej me të tjerët”, tha Hoxha.

Ndërsa, Vanesa Sadriu nga klubi Rin’On, tregoi për idenë e këtij organizimi, duke shfaqur shpresën që ai do të ketë efekt.

“Të inspiruar nga qyteti Hamburgut i Gjermanisë që e kanë bërë një kampanjë vetëdijësuese të ngjashme kam dashtë me organizu edhe në Ferizaj në kuadër të klubit ”Rin’On” një marsh protestues me moton ”Luaj me mua jo me telefon”, për me ngrit vetëdijen tek prindërit që preferojnë me kalu kohën në telefon sesa me fëmijët e tyre. Duke e parë pjesëmarrjen po besoj që së paku kemi me përçu një mesazh të mirë tek prindërit dhe së paku 1% me ngrit vetëdijen”,tha Sadriu.

I gjithë marshi u përcoll nga Policia e Kosovës, të cilët deklaruan se gjithçka shkoi mirë.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.