Ferizaj

Mbahet turneu në volejboll me femrat e institucioneve të Ferizajt

Published

8 years ago

27 November, 2018

Edhe sivjet në kuadër të festave të nëntorit, Drejtoria komunale për Kulturë, Rini dhe Sport, organizoi turnirin tradicional në volejboll me femrat e institucioneve publike të Ferizajt.

Hapjen zyrtare të këtij aktiviteti e bëri drejtoresha e Kulturës, e Rinisë dhe e Sportit Xhemile Murati-Shabani, duke e vlerësuar tejet lartë këtë aktivitet sportiv.

“Është kënaqësi për mua që të jem pjesë e këtij aktiviteti kur para vetës shoh femrat e institucioneve komunale. Ky është një shembull i mirë për të gjitha gratë, por edhe për gjeneratat e reja që të jenë të inkuadruara në sport, pavarësisht punës parësore ta kenë edhe sportin si motivim dytësor, sepse në këtë formë do ta kemi edhe një shëndet më të mirë”, tha ajo.

Në këtë turne morën pjesë vetëm katër ekipe, nga Gjykata, nga Policia, Spitali dhe QKMF-ja, si dhe Qendra për Punë Sociale. Ky fakt u kritikua nga pjesëmarrëset, pasi që thanë se pretendojnë që ky turnir tradicional të rritet sa i përket pjesëmarrjes.

“Ne sot po kalojmë shumë mirë, për herë të parë ne si Qendër për Punë Sociale kemi marrë pjesë në këtë turnir dhe po na pëlqen pa masë. Pavarësisht që s’jemi sportiste apo lojtare të mira në volejboll, këtu kemi ardhë me shumë seriozitet dhe po luajmë po kënaqemi dhe uroj ta marrim edhe kupën pse jo”, u shpreh Merita Xhemajli nga QPS-së.

“Këto aktivitete kanë një rëndësi të veçantë, sepse përveç punës primare që e bëjmë ne këtu takohemi dhe normal që e zhvillon një bashkëpunim edhe më të mirë ndër institucione që veprojnë në Ferizaj, por ajo që është brengosëse është fakti që as sivjet nuk kanë marrë pjesë femrat e shumë institucioneve që veprojnë në këtë qytet dhe vit pas viti turniri po zhvillohet pothuajse me të njëjtat ekipe”, tha Luljeta Selmani nga Policia e Kosovës.

Ndryshe, përveç numrit të vogël të ekipeve të volejbollit, edhe numri i shikuesve la shumë për të dëshiruar.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.