Ferizaj

Përmes koncertit përçohet mesazhi se të gjithë fëmijët janë të barabartë

Published

8 years ago

04 December, 2018

Për të përçuar mesazhin se të gjithë fëmijët janë të barabartë dhe duhet të trajtohen si të tillë, në teatrin e qytetit të Ferizajt në kuadër të fushatës sensibilizuese “Dua të shoh si ti”, është mbajtur një koncert që kryesisht u kushtohet fëmijëve që kanë probleme me të pamurit.

Inciatorja e këti projekti Albulena Nuredini, tha se ky koncert përmban shfaqje teatrale, muzikore dhe poetike, nga të cilat do të jepen mesazhe sensibilizuese.

“Ky koncert ka karakter sensibilizues dhe humanitar, mysafirë janë edhe nga qendra burimore në Pejë, do të jenë me disa pika të veta, përndryshe pjesëmarrësit e tjerë janë nxënës të ndryshëm të shkollave të Ferizaj. Ka balet, muzikë, një shfaqje teatrale dhe jemi munduar t’i përzgjedhim me kujdes në mënyrë që të përçojmë mesazhin që ne kemi dashur, se të gjithë fëmijët janë të barabartë”,tha Nuredini.

Ky koncert me një mesazh të tillë, u mirëprit edhe nga prindërit të cilët kërkuan që aktivitete të tilla të organizohen më shpesh.

“E kam vajzën këtu është pjesëmarrëse në kor, por në të njëjtën kohë të kontribuoj në të dy anë, është inciativë e mirë dhe do të ishte mirë të mbahen koncerte të tilla sa më shumë”, tha Bekim Jakupi.

Përveç koncertit, aty u ekspozuan edhe gjësende të ndryshme për shitje, me qëllim grumbullimin e të hollave të cilat do t’i dhurohen Qendrës Burimore në Pejë, ku vijojë mësimet edhe fëmijë të Ferizajt.

“Janë produkte që janë të lansuara në kuadër të kampanjës, kemi maica, aroma, libra, mjaltë, gota dhe piktura që janë të punuara nga fëmijët e qendrës burimore në Pejë, të gjitha këto do t’i shesim sonte dhe mjetet e grumbulluara do t’i dhurohen qendrës burimore në Pejë ku dhe shkollohen fëmijët atje që ka dhe të Ferizajt”, tha Leona Jahiri.

Ky është koncerti i dytë që organizohet në Ferizaj, me të njëjtin qëllim, vetëdijësimin e shoqërisë së të gjithë fëmijët janë të barabartë.

Ferizaj

Në Ferizaj raportohen katër bankënota të dyshuara nga 500 €

Published

10 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

10 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.