Hapet rruga për në fshatin Banjskë

Published

2 years ago

27 September, 2023

Rruga që të çon në fshatin Banjskë të Zveçanit është hapur në mesditën e së mërkurës, transmeton Radio Evropa e Lirë.

Kjo rrugë ka qenë e mbyllur prej 24 shtatorit, kur në këtë fshat Policia e Kosovës është përleshur me një grup të armatosur dhe për pasojë ka mbetur i vrarë një zyrtar policor dhe tre sulmues.

Policia e Kosovës ka përfunduar bastisjet nëpër shtëpitë dhe objektet në dhe përreth fshatit Banjskë të Zveçanit, në pasditen e së martës.

Gjatë ditës, Prokuroria Speciale e Kosovës i ka liruar katër persona të arrestuar më 24 shtator në Banjskë për mungesë provash të Policisë së Kosovës.

Ndërkohë, në arrest mbeten edhe katër persona tjerë. Për tre prej tyre është marrë vendim për paraburgim prej 30 ditësh.

Të dyshuarit me inicialet. B.S., D.M, dhe V.T, akuzohen për veprat penale, kryerja e veprave terroriste dhe vepra të rënda kundër rendit kushtetutes dhe sigurisë së Kosovës.

Related Topics:Arrest Banjskë Kosove Policia serb Terroristë

Up Next

Kurti: Serbia me plane ushtarake për aneksim

Don't Miss

Me nderime të larta shtetërore varroset heroi i Kosovës Afrim Bunjaku

Click to comment

Gjykata e Apelit lë në paraburgim Igor Popoviqin

Published

18 hours ago

31 July, 2025

Redaksia

Gjykata e Apelit ka refuzuar ankesën e avokatit të Igor Popoviqit, duke lënë në fuqi masën e paraburgimit prej 30 ditës të shqiptuar ndaj zyrtarit serb , i cili dyshohet për veprën penale të nxitjes së përçarjes dhe mosdurimit.

Sipas vendimit të Apelit, siç raporton Betimi për Drejtësi, shkalla e parë ka vepruar drejt kur e ka caktuar paraburgimin, pasi që, sipas gjykatës, ekziston dyshimi i bazuar se Popoviq ka kryer veprën penale për të cilën dyshohet.

Në vendim është përmendur edhe një video ku Popoviq shihet dhe dëgjohet duke mbajtur një fjalim në rajonin e Rahovecit, përmes së cilës, Gjykata tha se krijohet dyshimi i bazuar mjaftueshëm se ai e ka kryer këtë vepër penale.

I dyshuari ka shtetësi të Serbisë dhe nëse ai mbrohet në liri do të ishte i pakapshëm nga institucionet e Kosovës , thuhet më tej në vendim.. Popoviq u ndalua më 18 korrik, pasi gjatë shënimit të përvjetorit të vrasjes së serbëve në Rahovec, e kishte quajtur Ushtrinë Çlirimtare të Kosovës “organizatë terroriste”.

Kosovë

Apeli liron nga paraburgimi policët e përfshirë në rastin e Agon Zejnullahut

Published

19 hours ago

31 July, 2025

Redaksia

Gjykata e Apelit ka marrë vendim që të ndryshohet aktvendimi i Gjykatës Themelore në Prishtinë – dega në Lipjan, dhe t’iu ndërpritet masa e paraburgimit pesë policëve të përfshirë në rastin e Agon Zejnullahut.

Të njëjtit janë liruar dhe do të mbrohen në liri, konfirmoi avokati i njërit nga policët e arrestuar.

Pesë policët janë arrestuar më 7 korrik, pasi dyshohen për “vrasje nga pakujdesia” të 27-vjeçarit në Lipjan, Agon Zejnullahut, gjatë arrestimit të tij në orët e para të 7 korrikut.

Policët fillimisht u patën suspenduar nga detyra e më pas edhe janë arrestuar me urdhër të prokurorit.

Kosovë

1 DITË + për të përfituar nga super ofertat e verës në NEPTUN!

Published

20 hours ago

31 July, 2025

Redaksia

1 DITË + për të përfituar nga super ofertat e verës!

Koha po ecën – por Neptun të jep edhe një shans ekstra!

Nga teknologjia më e fundit, elektroshtëpiake, pajisje smart, e deri te biçikletat dhe aksesorët – gjithçka që të duhet për një verë ndryshe, tani me super çmime!

Dhe mos harro: blerje me këste pa interes – 0%!

Oferta vlen vetëm edhe sot me datë 31.07.2025.

Neptun. Jeto më mirë, çdo ditë!

#hajde #neptunkosova

Shfleto ofertën këtu: OFERTA NEPTUN

*Artikull i sponsorizuar