Ferizaj

”Handikos” organizon aktivitet sensibilizues me nxënës të shkollave fillore

Published

8 years ago

06 December, 2018

Problemet e shumta që has një nxënës me aftësi të kufizuara për qasje nëpër institucione arsimore, iu demonstruan nxënësve të shkollave të ndryshme të Ferizajt.

Albiona Ademi nga shoqata“Handikos”, tha se përmes këtij aktiviteti synojnë t’iu tregojnë nxënësve nevojat dhe vështirësitë që ka një nxënës me aftësi të kufizuara.

“Sot kemi aktivitetin ndërgjegjësues në bashkëpunim me shkollat dhe grupin e fëmijëve asamblistë të Ferizajt, ku për qëllim e kemi ndërgjegjësimin e fëmijëve për pranimin e fëmjëve me aftësi të kufizuara në klasat e tyre apo në shkolla, kemi për bazë disa tema të aftësisë së kufizuar si autizmin, disleksinë, paralizat celebrale, do të ndahemi në grupe bashkë me fëmijët e tjerë, ku të gjithë do të kenë mundësi me i pa nevojat apo vështirësitë që i kanë fëmijët me aftësi të kufizuara gjatë mësimit nëpër shkolla, por edhe në jetën e përditshme”, tha Albiona Ademi.

Kurse, nxënësit thanë se për bashkëmoshatarët e tyre me nevoja të veçanta kanë respekt të madh dhe u ndihmojnë sa herë që paraqitet nevoja.

“Në shkollën tonë “4 Prilli” në Zllatar e kemi një nxënës me aftësi të kufizuar, është në klasë të pestë, drejtori i shkollës ia ka ndërtuar rrugën atij që me pas më të lehtë, po ashtu të gjithë nxënësit e respektojnë dhe sillen mirë me të, madje më 3 dhjetor e kemi mbajtur një aheng për nder të tijë”, tha Blerta Kurti.

“Unë e kam në klasë një nxënës me aftësi të kufizuar, kalojmë shumë mirë me të dhe nuk e dallojmë, ndoshta ndonjëherë ka paragjykime, por në përgjithësi ne mundohemi me ndihmu edhe për detyra edhe për çdo gjë, ka raste kur ndihet keq, por ne mundohemi me mbështet”, tha Viola Çerkini.

Burim Sylejmani, mësues mbështetës dhe koordinator i ekipit vlerësues, tha se shtimi i numrit të mësuesve mbështetës nëpër shkollat e Ferizajt, do të ndikonte në shkollimin e mëtutjeshëm të fëmijëve me aftësi të kufizuara.

“Ideja për sensibilizim në Ferizaj ka kohë që ka filluar, edhe ne si ekip vlerësues po bëjmë sensibilizimin edhe në shkolla të tjera dhe duke i parë qytetet e tjera në nivel vendi kujtoj se Ferizaj është një hap përpara, por nuk mund të themi që është edhe mirë pasi ka punë për të bërë. Shtimi i mësuesve mbështetës nëpër shkollat e rregulllta na e kish lehtësu punën edhe për sensibilizim, por edhe për mbështetje të këtyre fëmijëve. Drejtoria e Arsimit besoj se në janar do të filloj me 6 asistentë, kështu që besoj se do të bëhet një punë e mirë edhe për sensibilizim, por edhe për rehabalitim të këtyre fëmijëve”, tha Burim Sylejmani.

Sipas të dhënave të Drejtorisë së Arsimit në Ferizaj, në këtë qytet janë mbi 180 nxënës me aftësi të kufizuara të cilët vijojnë mësimin nëpër shkollat e Ferizajt dhe dy çerdhet publike.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar