Ferizaj

Fëmijëve me gjendje të rëndë sociale do t’iu festohen ditëlindjet

Published

7 years ago

08 December, 2018

Sektori i Rinisë, që funksionon në kuadër të Drejtorisë së Kulturës, Rinisë dhe Sportit në Ferizaj, ka ndërmarrë një iniciativë bamirëse dhe solidare.

Udhëheqësja e këtij sektori Dashurie Ahmeti, tha se kanë nisur një aktivitet i cili ka për qëllim festimin e ditëlindjeve të fëmijëve që jetojnë me asistencë sociale. Ajo theksoi se përmes kësaj synojnë që edhe fëmijët me kushte më të rënda ekonomike të përjetojnë ndjenjën e festimit të ditëlindjes me bashkëmoshatarë.

“Kemi me i festu ditëlindjet e fëmijëve të lindur në dhjetor që janë fëmijë të familjeve që janë përfitues të skemës sociale, e kemi diskutu gjatë këtë idenë tonë dhe bashkërisht me vullnetarët e sektorit të rinisë të qendrës rinore sot do ta festojmë ditëlindjen e parë në fshatin Gaçkë dhe po besoj se do të jetë ndjenjë e mirë për fëmijën që e feston ditëlindjen e shtatë. Kemi marrë këtë inciativë pasi ndonjëherë kur ke vështirësi ekonomike nuk je në atë pozitën që mund ta realizosh një ditëlindje për fëmijë”, tha Ahmeti.

Ahmeti tha se kjo inciativë është mbështetur nga kompania “Metal Laçi” dhe disa kompani të tjera.

“Këtë inciativë financiarisht e ka mbështetur kompania “Metal Laçi”, si gjithmonë në çdo fundvit është i gatshëm të bashkëpunoj me neve, edhe ëmbëlsirat që do të blehen do të mbështeten nga ky biznes që e falënderoj për mbështetjen që na e jep, po ashtu ka edhe biznese të tjera që kur folim për këto inciativat e tona bizneset nuk është se hezitojnë, ka tri vite që bashkëpunoj me shumë biznese në forma të ndryshme, kështu që vetëm ekziston një vullnet nëse don me realizu një inciativë dhe që je transparent me bizneset ata nuk hezitojnë. Këto para që i ka dhënë vet kompania “Metal Laçi” është kontribut i familjarëve kështu që edhe vitin e kaluar na ka mbështet me një projekt të “Doën Sindroma”, unë falënderoj këtë kompani, po ashtu është edhe kompania “Kosova e Re” dhe një kompani ndërtuese që nuk mund t’ia them emrin pasi më ka thënë që mos me ia publiku”, tha Ahmeti.

Ahmeti tha se lista e fëmijëve nën moshën 11 vjeçare është marrë nga Qendra për Punë Sociale, ndërsa kjo inciativë do të zgjasë varësisht gjetjes së donatorëve.

Ferizaj

Policia gjobitë 326 shoferë në Ferizaj për përdorim të telefonit gjatë ngasjes

Published

3 days ago

06 February, 2026

Redaksia

Gjatë muajit janar 2026, Policia Rajonale e Ferizajt ka gjobitur 326 shoferë për përdorim të telefonit gjatë ngasjes, pasi sipas policisë, me këtë veprim ata kanë rrezikuar sigurinë e tyre dhe atë të pjesëmarrësve të tjerë në komunikacion.

Sipas policisë, përdorimi i telefonit vazhdon të jetë një nga shkaqet kryesore të aksidenteve rrugore.

Policia Rajonale e Ferizajt apelon tek të gjithë pjesëmarrësit në trafik që të përqendrohen plotësisht në drejtimin e automjetit dhe të shmangin çdo lloj shpërqendrimi, pasi edhe një sekondë pakujdesie të përdorimit të telefonit mund të ketë pasoja serioze për jetën e njerëzve.

Ferizaj

Ndërroi jetë artisti dhe koreografi i shquar ferizajas, Bajram Tahiri

Published

6 days ago

03 February, 2026

Redaksia

Ka ndërruar jetë Bajram Tahiri, artist, valltar dhe koreografi i shquar i ansamblit “Kastriotët” në Ferizaj.

I ndjeri gjithë jetën e tij artistike ia kushtoi ruajtjes dhe begatimit të traditës dhe trashëgimisë kulturore, fillimisht si valltar pastaj edhe si koreograf i A.K.V ,,Kastriotët” Ferizaj.

Për një periudhë kohore, nga viti 1999-2009, Tahiri ishte Drejtor Operativ në KRM “Pastërtia”, pastaj nga viti 2017 deri në vitin 2020 shërbeu si këshilltar politik në Ministrinë e Tregtisë dhe Industrisë, derisa nga viti 2010 udhëhoqi me kompaninë “Mbrojtja e Ambientit”.

Mbledhja komemorative për artistin e ndjerë, Bajram Tahiri, mbahet më 3 Shkurt 2026, ora 14:00 në Teatrin “Adriana” kurse ceremonia e varrimit nga ora 15:30 në varrezat e reja të qytetit.

Ferizaj

Ngritët aktakuza e parë për zgjedhjet e 28 dhjetorit

Published

3 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.