Ferizaj

Gjykata e Ferizajt i cakton Gëzim Çelës masën 30 ditë paraburgim

Published

2 years ago

09 December, 2023

Gjykata Themelore në Ferizaj ka aprovuar kërkesën e Prokurorisë për caktimin e masës së sigurisë ndaj Gëzim Çelës, i cili u arrestua nga Policia e Kosovës në bashkëpunim me autoritetet e Shqipërisë.

Në njoftimin e gjykatës bëhet e ditur se i arrestuari Çela është dërguar për një muaj në paraburgim, nën dyshimet se ka kryer veprat penale ‘Trafikimi me narkotikë’ dhe ‘Prodhimi dhe mbajtja pa leje e armëve luftarake dhe municionit’.

Ndryshe, dje Policia e Kosovës ka lëshuar një njoftim, duke dhënë detaje rreth arrestimit të Gëzim Çelës. Siç bëhet e ditur në njoftim, në momentin e arrestimit ai ishte në shoqëri me dy femra shtetase të Shqipërisë dhe një mashkulli nga Kosova, teksa arrestimi është kryer në fshatin Dardani të Ferizajt.

Tutje thuhet se lidhur me rastin është njoftuar edhe Njësia FAST-ILECU të cilët në koordinim me organet e drejtësisë, do të merren me procedura rreth rasteve kur kemi të bëjmë me arrestime të personave që janë në kërkim ndërkombëtar.

Related Topics:Arrest Ferizaj gjykata Kosove Policia

Up Next

Brenda dite vidhen 2 vetura në Ferizaj

Don't Miss

Katër të lënduar në aksidentin e trafikut në magjistralen Ferizaj-Shtërpcë

Click to comment

Ferizaj

Hajnat vjedhin rreth 10 mijë euro stoli ari në Ferizaj

Published

2 days ago

20 October, 2025

Redaksia

Të dielën mbrëma është raportuar një rast i vjedhjes së rëndë në rrugën “Bajram Kelmendi” në Ferizaj.

Sipas raportit 24-orësh të Policisë, ankuesi ka njoftuar se persona të panjohur kanë hyrë me forcë në shtëpinë e tij përmes derës së njërës dhomë, nga ku kanë vjedhur stoli ari në vlerë rreth 10 mijë euro.

Rr. Bajram Kelmendi, Ferizaj 19.10.2025-21:00

“Është raportuar se të dyshuar të panjohur kanë depërtuar përmes derës së një dhome së shtëpisë së ankuesit, ku kanë vjedhur stoli ari. Në vendin e ngjarjes kanë dalë njësitet përkatëse të PK-së,” ka njoftuar policia.

Ferizaj

Të lënduarit nga aksidenti në Slivovë në gjendje të rëndë shëndetësore

Published

4 days ago

18 October, 2025

Redaksia

Katër nga personat e lënduar në aksident trafiku mbrëmë fshatin Slivovë të Ferizajt, janë duke u trajtuar në Qendrën Klinike Universitare të Kosovës.

Gjendja shëndetësore e tyre është e rëndë, njoftoi Komisioni Qendror i Zgjedhjeve.

Në njoftimin e KQZ-së, bëhet e ditur se të lënduarit janë anëtarë të Komisionit Komunal të Zgjedhjeve në Ferizaj dhe se aksidenti ndodhi rreth orës 18:17, gjatë kohës që ata po kryenin detyrat e tyre zyrtare.

Policia tha se në aksident u përfshin një veturë dhe një autobus me targa vendore, duke shtuar se të lënduar kanë mbetur shoferi i veturës dhe katër pasagjerët.

Ata fillimisht ishin dërguar për trajtim mjekësor në emergjencën e Ferizajt, ndërkaq katër prej tyre më pas janë dërguar në Qendrën Klinike Universitare të Kosovës për trajtim të mëtejmë, tha Policia.