Ferizaj

Aksioni ”Ta pastrojmë Kosovën” vazhdon në Ferizaj

Published

7 years ago

13 December, 2018

Mbeturinat të cilat janë hedhur nëpër rrugët e qyetit të Ferizajt, u mblodhën sot nga vullnetarët e aksionit “Ta pastrojmë Kosovën”. Pjesë e këtij aksioni ishin edhe pjestarë të KFOR-it.

Joseph Brown, komandant i Ekipit Monitorues-Ndërlidhës në Ferizaj (LMT), tha se aksionet e tilla që kanë për qëllim pastrimin e qytetit do të përkrahen gjithherë nga ta.

“Më ka pëlqy ideja për pastrim dhe kemi pas dëshirë me qenë pjesë e këtij aktiviteti dhe ne iu kemi bashkëngjitur, ka pasur shumë mbeturina, por edhe kemi mbeldhur shumë, ne do t’iu bashkohemi këtyre aksioneve çdoherë, duke i ndihmuar komunitetit në çdo mënyrë”, tha Brown.

Erona Hamitit nxënëse e gjimnazit “Kuvendi i Arbrit”, kërkoi nga bashkëmoshatarët e saj të kontribuojnë në pastrimin e Kosovës.

“Si të gjithë të rinjtë edhe unë kam dalë me pastru Kosovën dhe jam e kënaqur që po marrë pjesë në këtë aksion, i kisha ftuar të gjithë të rinjtë e Kosovës që ta pastrojmë Kosovën dhe ta kemi një ambient më të mirë për vete”, tha Hamiti.

Udhëheqësi i aksionit “Ta pastrojmë Kosovën”, Besnik Shabiu, tha se gjatë këtyre muajve sa ka zgjatur ky aksion, janë larguar mbi 20 mijë ton mbeturina dhe 800 deponi ilegale.

“Ky aksion ka filluar nga 15 shtatori dhe deri sot janë diku afër 800 deponi ilegale që janë larguar dhe mbi 20 mijë ton mbetje që janë larguar gjithandej territorit të Kosovës, po shpresojmë që pas pastrimit të gjitha ato hapësira dhe deponi ilegale që janë pastruar të gjithë bashkë do t’i mirëmbajmë dhe nuk do të lejojmë të kthehen në gjendjen çfare kanë qenë”, tha Besnik Shabiu.

Aksioni “Ta pastrojmë Kosovën”, i nisur gjatë muajit shtator do të përfundoj pas dy dite. U tha se pas pastrimit të hapësirave nga mbeturinat dhe deponitë ilegale, do filloj pastrimi i ujërave.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim