Ferizaj

Buxheti, sfidë për strehimoret e viktimave të dhunës

Published

8 years ago

14 December, 2018

Mungesa e buxhetit të qëndrueshëm të strehimores për viktimat e dhunës, është njëra nga sfidat me të cilat u përballen këto qendra edhe gjatë këtij viti që po lëmë pas. Kështu u tha sot në një tryezë të organizuar në Ferizaj me temën “Roli i institucioneve të nivelit lokal mbi ngritjen e bashkëpunimit dhe qëndrueshmërisë së shërbimeve të strehimit për viktimat e dhunës në rajonin e Ferizajt”. Udhëheqësja e strehimoreve “Shtëpia ime” në Kosovë, Sevdije Bunjaku, tha se institucionet lokale dhe ato qëndrore nuk po bëjnë mjaftueshëm për t’i ndihmuar këto qendra.

“Shpresojmë dhe kemi nevojë për një përkrahje nga të gjitha komunat e rajonit të Ferizajt. Strehimorja jonë në Ferizaj e ka për obligim që të ofroj një vend të sigurtë dhe të qetë, ku viktima do të ndihet e mbrojtur derisa t’i bëhet një zgjidhje më afatgjate deri në kthimin e jetës së saj të përditshme. Natyrisht nuk përfundon çdo gjë me strehimin e viktimës, përkundrazi aty gjithçka fillon, prandaj për të ndihmuar rimëkëmbjen e viktimës bashkëpunimi institucional është mëse i domosdoshëm”, u shpreh ajo.

Koordinatori nacional për mbrojtje nga dhuna në familje Naim Qelaj, tha se vetëm gjatë këtij viti, në strehimoret e viktimave të dhunës në Kosovë janë strehur 426 viktima, prandaj sipas tij, rritja e buxhetit për këto institucione është shumë e nevojshme për të pranuar dhe trajtuar numrin e madh të viktimave që lajmërohen në to.

“Unë kam kërkuar që shpallja apo thirrja publike për aplikim për grante me qenë gjatë muajit dhjetor dhe shpresoj se nuk jemi vonë dhe kjo do të realizohet brenda këtij muaji. Në anën tjetër, pas përpjekjeve të mëdha kemi hasur në mbështetje që na ka ofruar Ministria e Financave ku për herë të parë kanë futur në planifikimet e tyre buxhetore grante specifike për çështje sociale dhe këtu komunat kanë mundesi për të bërë shumë duke krijuar politika për ta rritur mirëqenien sociale, sidomos të këtyre kategorive në stituata shumë të vështira”, tha Qelaj.

Ndërkaq, Adile Shaqiri zyrtare e lartë në Ministrinë e Punës dhe Mirëqenies Sociale, vuri në pah vështirësitë me të cilat ballafaqohen zyrtaret që punojnë në këto qendra të strehimit të viktimave të dhunës.

“Ato janë profesioniste që punojnë 24 orë, 7 ditë në javë me viktimat e dhunës në familje, prandaj e them se jeta e tyre nganjëherë merr kuptim tjetër, pasi që gjatë gjithë kohës janë me viktimat. Ne s’di sa po ia arrijmë për ta kuptuar angazhimin dhe punën që po bëjnë këto zyrtare“, u shpreh Shaqiri.

Sipas mbrojtësit të viktimave në kuadër të Prokurorisë Themelore në Ferizaj, Ibrahim Tërstena, në rajonin e Ferizajt brenda vitit 2018 janë raportuar mbi 130 raste të dhunës në familje. Në gjithë Kosovën thuhet se gjatë vitit që po lëmë pas janë raportuar mbi 1 mijë raste të dhunës në familje dhe këto statistika tregojnë se ka një rritje në krahasim me vitet e kaluara. Ndërkaq, konsiderohet se këtij numri të madh i ka kontribuar rritja e vetëdijësimit për të raportuar dhunën ku viktima në shumicën e rasteve janë gratë, por ka pasur raste edhe kur burrat kanë kërkuar ndihmë si viktimë.

Ndryshe, edhe pse ishin paraparë si panelistë të kësaj tryeze ku u diskutua për viktimat e dhunës, aty nuk morën pjesë as kryetari i komunës e as nënkryetari.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar