Ferizaj

Efektet e taksës ende të padukshme, thonë prodhuesit

Published

8 years ago

15 December, 2018

Taksa 100% e vendosur ndaj produkteve serbe dhe atyre me origjinë nga Bosnjë e Hercegovina, po mirëpritet nga prodhuesit kosovarë, të cilët prodhimet e tyre i shesin kryesisht përmes tregjeve të gjelbra nëpër Kosovë. Prodhuesit ferizajas që sot kishin ekspozuar produktet e tyre në tregun e këtushëm, thanë se efekti i kësaj takse ende nuk është i dukshëm, por një gjë e tillë do të vërehet shpejt, nëse taksa ndaj prodhimeve serbe vazhdon të mbetet në fuqi.

“Gjendja është normale, nuk ka ndikuar edhe shumë taksa, por është ende vetëm fillimi, por po besojmë se me kohë do të ndikoj taksa dhe do të ketë shitje më të madhe të produkteve tona”, tha prodhuesi Herolind Krasniqi.

“Është e njëjta gjë, por vetëm pak çmimet janë ngritur, siç është patatja, tani çmimi i saj është rreth 35-40 cent, ndërsa vitin e kalur ka qenë 25 cent, ndoshta pak janë ngritur çmimet, por është mirë që është vënë taksa, madje duhet me rëndu edhe më shumë Serbinë, është dashur më herët me vu këtë taksë”, tha prodhuesi Isa Kozhani.

“Shitja është normale nuk po dallohet shumë, mirë është që është vënë taksa se nuk kemi pas nevojë ne për mallra të Serbisë, kemi mallra tona sa të duash që nuk po kemi ku me i lënë”, tha Fazli Krasniqi, tregtar.

“Kultivojmë lakër, qepë edhe patate, janë prodhime tona të gjitha, është mirë që janë ndalur pak produktet e Serbisë, pasi tani është shitja më e mirë, kemi edhe vullnet më shumë”, tha Qazim Shabani, prodhues.

Ndërkaq, blerësit theksuan se pas vënies së taksës ndaj produkteve serbe, po kanë më shumë kujdes gjatë blerjes, duke e shikuar prejardhjen e produkteve të konsumit.

“Taksa është shumë e mirëseardhur pasi iu kontribuon edhe prodhuesve vendor dhe rritet prodhimi dhe bëhet edhe punësimi i të rinjve, unë kisha thënë që mos me u heq taksa kurrë, madje edhe të shtohen edhe masa të tjera, po ashtu po jam më i kujdesshëm, po i kontrolloj produktet gjatë blerjes mos është e Serbisë”, tha Ilmi Berisha.

“Tani po i shikoj më shumë produktet, po mundohem me i ble sa më shumë prodhimet tona, se shumë produkte i kemi tonat siç janë qepët, patatet, e shumë të tjera dhe pse mos t’i blejmë tonat, nuk duhet kurrë me heq këtë taksë derisa të na njoh Serbia”, tha Nexhat Halabaku.

Sipas një hulumtimi të Aleancës Kosovare të Biznesit të publikuar para disa ditësh, që nga 21 nëntori kur Kosova ka vendosur tarifën doganore prej 100 për qind për produktet më origjinë nga Serbia, ky shtet ka humbur 21 milionë euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar