Ferizaj

”Plus”, qendra e cila nuk e ngrit çmimin e bukës

Published

8 years ago

18 December, 2018

Derisa pothuajse të gjitha furrat dhe marketet e kanë rritur çmimin e bukës për 10 cent më shumë, qendra tregtare “Plus” në Ferizaj, e cila po ashtu prodhon bukën nga furra e saj, çmimin e këtij produkti elementar për jetesë vazhdon ta ketë të njëjtë. Pronari i ”Plus”-it Sylejman Neziri, thotë se afaristët e Kosovës duhet të sakrifikojnë për qytetarët e vet edhe nëse çmimi i miellit mund të ndryshoj, teksa shton se qendra që ai udhëheq nuk e ka ndërmend ta ngrit çmimin e bukës as për një cent më shumë.

“Ne duhet të mësohemi ta mbajmë shtetin dhe u them të gjithë atyre që e kanë rritur në këtë kohë çmimin e bukës se ne duhet njëherë e përgjithmonë të bëhemi si gjermanët, dihet se sa shumë ata kanë sakrifikuar gjatë shtet- ndërtimit dhe kësisoj duhet të veprojmë edhe ne. Këtu nuk është në pyetje llogaria edhe ne e marrim miellin ku e marrin shumica, por tash s’kemi nevojë me kalku çdo gjë, duhet të bëjmë diçka për shtetin“, tha Sylejman Neziri.

E, qytetarët që e blejnë bukën tek “Plus Center” zakonisht janë konsumatorë të përditshëm. Disa prej tyre u shprehën se buka e cila prodhohet këtu është e një cilësie të lartë dhe e ngjashme me gatimet shtëpiake.

“Unë vijë gjithmonë këtu marrë bukë, por edhe harxhin për restorant që me duhet, thjesht ndihem më komod këtu, sepse e di që këtu asgjë s’ka nga produktet e Serbisë, ndërsa po ashtu kualiteti i bukës është shumë në nivel të lartë, prandaj me kilometra vijë këtu çdo ditë”, tha Tefik Sadiku.

“Rritja e çmimit të bukës është mjaftë e rëndë për familjet që mezi lidhin muajin me muaj. Përndryshe kujtoj që rritja e çmimit të bukës është diçka politike, sepse nuk është vetëm buka, por unë po hetoj që shumë artikuj janë rritur. Falënderoj ”Plus”-in që nuk e ka rritur akoma çmimin e bukës, sepse përndryshe unë tash e dy vjet çdo ditë këtu blej bukë, sepse kam vërejtur se është më kualitative, pa aditiv dhe thjesht është si bukë shtëpie”, u shpreh një tjetër qytetar.

“Edhe unë e blej këtu çdo ditë bukën sepse është kualitative, por edhe e meriton ky biznes i cili përmban çdo gjë vendore dhe asgjë nga Serbia”, u shpreh blerësi tjetër, pronar i restorantit “Ahmet Gjyla”.

Ndër të tjera, pronari i “Plus Center” Sylejman Neziri, pati një kërkesë për Qeverinë e Kosovës.

“Pas Vitit të Ri apeloj tek Qeveria e Kosovës sikurse ka marrë vendim për taksën ndaj Serbisë, ta marrë po ashtu një vendim që çmimi i bukës në Kosovë të jetë i njëjtë, jo diku 30 cent e diku deri në 50 cent. Shteti duhet të ndërhyj këtu dhe të veproj që qytetarëve të vendit të vet t’iu siguroj së paku çmimin e bukës më të volitshëm për ta”, u shpreh Neziri.

Furra e cila funksionon në kuadër të qendrës “Plus” prodhon këtë produkt me një kapacitet jo të lartë. Këtu gjatë ditës prodhohen deri në 2 mijë bukë të llojeve të ndryshme, çmimet e të cilave sillen prej 30 deri në 50 cent.

Ferizaj

Gjatë qershorit në Ferizaj janë konfiskuar 74 motoçikleta

Published

3 days ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

6 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

6 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.