Ferizaj

Ferizaj pa rrymë për më shumë se 5 orë

Published

9 months ago

22 January, 2025

Ferizaj është përballur me një ndërprerje të energjisë elektrike që nga ora 17:00, e cila po zgjat tashmë për më shumë se pesë orë.

Sipas raportimeve, ndërprerja ka prekur jo vetëm qendrën e qytetit, por edhe disa fshatra përreth.

KEDS, kompania përgjegjëse për shpërndarjen e energjisë elektrike, ka bërë të ditur se shkaku i ndërprerjes është një lidhje e shkurtër Fazë-Tokë (Phase to Earth).

Banorët e Ferizajt kanë shprehur shqetësim për ndërprerjet e shpeshta të rrymës në javët e fundit. KEDS ka deklaruar më parë se këto ndërprerje janë rezultat i mbingarkesës në rrjet për shkak të rritjes së konsumit të energjisë elektrike.

Ndërsa KOSST ka njoftuar se nesër, më 23 janar 2025, në orën 13:00, do të inaugurohet transformatori i ri elektrik 110/35/10(20)kV Ferizaj 3 – Kastriot.

Sipas deklaratave të drejtorit të KOSST dhe ministres së Ekonomisë, Artane Rizvanolli, ky transformator pritet që të stabilizojë problemin e mbingarkesës në furnizimin me energji elektrike në Ferizaj.

Ferizaj

Ndërroi jetë atdhetari dhe eprori i lartë i UÇK-së, Rafiz Sejdiu– Inxhinieri

Published

14 hours ago

22 October, 2025

Redaksia

Është ndarë nga jeta atdhetari i kombit dhe ish eprori i lartë i UÇK-së , Rafiz Sejdiu – Inxhinieri.

Lajmi u bë i ditur në Facebook nga Organizata e Veteranëve të Luftës së UÇK-së – dega Ferizaj.

Sejdiu gjatë luftës në Kosovë ishte epror i lartë në Zonën Operative të Neredimes, ish-deputet në Kuvendin Komunal dhe ish-kryetar i OVL-UÇK dega në Ferizaj

Në nderim të jetës dhe veprës së tij në shërbim të atdheut, ceremonia mortore për të ndjerin Rafiz Sejdiu, do të bëhet të enjten, më 23.10.2025.

14:00 – Mbledhja Komemorative në Teatrin e Qytetit “Adriana” – Ferizaj

16:00 – 16:30 – Homazhe pranë arkivolit tek shtëpia e të ndjerit në fshatin Doganaj.

17:00 – Ceremonia e varrimit, në varrezat e fshatit Greme, lagjja Spahia në Ferizaj

Ferizaj

Hajnat vjedhin rreth 10 mijë euro stoli ari në Ferizaj

Published

3 days ago

20 October, 2025

Redaksia

Të dielën mbrëma është raportuar një rast i vjedhjes së rëndë në rrugën “Bajram Kelmendi” në Ferizaj.

Sipas raportit 24-orësh të Policisë, ankuesi ka njoftuar se persona të panjohur kanë hyrë me forcë në shtëpinë e tij përmes derës së njërës dhomë, nga ku kanë vjedhur stoli ari në vlerë rreth 10 mijë euro.

Rr. Bajram Kelmendi, Ferizaj 19.10.2025-21:00

“Është raportuar se të dyshuar të panjohur kanë depërtuar përmes derës së një dhome së shtëpisë së ankuesit, ku kanë vjedhur stoli ari. Në vendin e ngjarjes kanë dalë njësitet përkatëse të PK-së,” ka njoftuar policia.

Ferizaj

Të lënduarit nga aksidenti në Slivovë në gjendje të rëndë shëndetësore

Published

5 days ago

18 October, 2025

Redaksia

Katër nga personat e lënduar në aksident trafiku mbrëmë fshatin Slivovë të Ferizajt, janë duke u trajtuar në Qendrën Klinike Universitare të Kosovës.

Gjendja shëndetësore e tyre është e rëndë, njoftoi Komisioni Qendror i Zgjedhjeve.

Në njoftimin e KQZ-së, bëhet e ditur se të lënduarit janë anëtarë të Komisionit Komunal të Zgjedhjeve në Ferizaj dhe se aksidenti ndodhi rreth orës 18:17, gjatë kohës që ata po kryenin detyrat e tyre zyrtare.

Policia tha se në aksident u përfshin një veturë dhe një autobus me targa vendore, duke shtuar se të lënduar kanë mbetur shoferi i veturës dhe katër pasagjerët.

Ata fillimisht ishin dërguar për trajtim mjekësor në emergjencën e Ferizajt, ndërkaq katër prej tyre më pas janë dërguar në Qendrën Klinike Universitare të Kosovës për trajtim të mëtejmë, tha Policia.