Ferizaj

Refuzohet me pikturë, pranohet tjetra me dizajn

Published

7 years ago

30 January, 2019

Më 18 janar të këtij viti, Drejtoria e Arsimit në Ferizaj, ka pranuar në punë një mësidhënëse për art figurativ në shkollën fillore “Gjon Serreçi “, për të cilën gjë pat ankesa nga kundërkandidatët.
Laura Brahimi, e cila ishte kandidate për këtë pozitë, thotë se i është bërë e padrejtë në këtë konkurs, pasiqë sipas saj, për dhënien e lëndës edukatë figurative, kjo drejtori i ka dhënë përparësi kandidates me dizajn grafik, gjë që nuk lejohet me udhëzimet e MASHT-it.

“Jo me dëshirë kisha dashur me konfirmu se po kërkojmë drejtësi në një oqean. Problemi është se Drejtoria e Arsimit, ka marrë një vendim jolegjitim. Ka të bëjë me mësimdhënie për sh.f .“Gjon Serreçi” dhe sh.f. “Ahmet Hoxha”. Por tani po flas konkretisht për “Gjon Serreç”. Nëse në një konkurs kërkohet një kuadër profesional sipas udhëzimit të normativit të MASHT-it, atëherë ata kanë bërë shkelje ligjore, sepse nuk i kanë pranuar kandidatët sipas rregullores që ata kanë kërkuar. Bëhet fjalë për art figurativ, sipas udhëzimit të MASHT-it, shkruhet shumë qartë se personi që është i kualifikuar dhe që ka përparsinë është një person që është profesionist i pikturës, më pas vjen skulptura dhe grafika, kurse dizajni grafik nuk ka qasje për mësimdhënie”

Brahimi, e cila thotë se e ka të kryer masterin në degën e pikturës, shprehet se ka bërë ankesa në Komunën e Ferizajt për këtë konkurs, porse asnjëherë nuk ka marrë ndonjë përgjigjje.

“Unë jam piktore, kam diplomë, masterin që katër vite, dhe nëse hyjmë më gjerësisht, asnjë kualifikim, asnjë aktivitet që unë i plotësoj kushtet me qenë adekuate ata nuk i kanë marrë parasysh. Unë kam bërë ankesa, jam nisur nga rasti i kontesteve që është në Komunë, aty asnjëherë nuk kthehen përgjigje, më pas kam vazhduar me inspektorin e punës. Nëse prapë ndodhin të njejtat, me ose pa dashje duhet me vazhdu edhe me gjykatë. Mos heshtin se nuk është koha me hesht, është koha që duhet me i përkrah secili përgjegjësitë e veta, nuk duhet me pasë frikë nga liria” deklaroi piktorja Brahimi.

Gjatë javës, në disa raste Televizioni Tema ka tentuar të merr një prononcim nga Drejtori i Arsimit në Ferizaj, Afrim LLabjani, por meqenëse ishte në pushim vjetor, ai pranoi të pronocohet vetëm përmes telefonit, duke thënë se sipas udhëzimit të MASHT-it, përveç pikturës, skulpturës dhe grafikës, për të dhënë mësim në lëndën e edukatës figurative, janë kompetentë edhe të diplomuarit e dizajnit grafik.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim