Ferizaj

Mbahet turneu i veteranëve në hendboll

Published

8 years ago

16 February, 2019

Me rastin e 11 vjetorit të Pavarësisë së Kosovës, veteranët e hendbollit të klubeve nga Shkodra, Gostivari, Prilepi e Ferizaj, zhvilluan ndeshje mes veti në kuadër të turneut tradicional të organizuar nga klubi vendas i hendbollit “Kastrioti” e që u mbajt në palestrën e sporteve “Bill Klinton”. Përfaqësues të këtyre klubeve thanë se përkundër asaj se nuk janë në nivelin e duhur për lojë, të gjithë pretendonin ta fitojnë trofeun e këtij turneu.

“Kjo ishte një ftesë shumë e rëndësishme për ne pasi koinqdon me shpalljen e pavarësisë së Kosovës, dhe menduam me qenë prezent në pavarësinë e Kosovës në një turnir të hendbollit të veteranëve që kanë dhënë kontribut të madh që hendbolli të jetë në një shkallë të lartë. Pretendimet e tona janë të rrëmbejmë turneun por shpresoj të fitojë më i miri”, – deklaroi me këtë rast Artan Duro, nga klubi “Vllanzia” i Shkodrës.

“Ftesën ne e pranuam nga një bashkëlojtar i yni dhe kështu me plot dëshirë jemi nisur nga Gostivari edhe pse kemi pasur një ngjarje tragjike ku kanë humbur jetën 15 viktima, por për neve ka qenë nder me ardhë për pavarsinë e Kosovës”– tha Bashkim Jakupi , nga klubi “Jehona” e Gostivarit.

“Është një nder për pjesëmarrjen në turnirin që bahet në Ferizaj, ne planifkojmë që ta mbajmë një turnir ndërkombëtar në Maqedoni për veteranë, dhe do të kishim kënaqësi që klubi “Kastrioti” të merr pjesë. Ishtë kënaqësi me ardhë këtu pasi shumica e lojtarëve që janë veteranë kanë lujatur në klube të Kosovës dhe me të vërtetë ishte kënaqësi. Nuk jemi edhe shumë në formë apo në nivel të lartë por besoj se 15 minuta apo 30 minuta do të qëndrojmë”,tha Rubin Llashkovci, nga Prilepi.
“Klubi “Kastrioti” veteranët në bashkëpunim me klubet e tjera ku kemi musafirë “Vllazninë” e Shkodrës, “Jehonën” e Gostivarit, veteranët nga Prilepi dhe ne “Kastrioti”, do të zhvillojmë një aktivitet sportiv do ta zgjerojmë shoqërinë që e kemi pasur edhe më herët, besoj se do të shkoj gjithçka në rregull” – u shpreh Xhavit Morina, veteran i nga klubit “Kastrioti”.

Drejtoresha e Sportit, Xhemile Murati -Shabani, e cila e shpalli të hapur këtë turne, tha se ky aktivitet sportiv ka një qëllim të shenjtë që ndërlidhet me ndërtimin e shtetit të Kosovës:

“Ne sot me këtë aktivitet sportiv po i nderojmë të gjithë ata që dhanë jetën për lirinë dhe pavarësinë e vendit, ku në mesin e shumë dëshmorëve padyshim se kemi pasur edhe dëshmorë të cilët kanë qenë dashamirë të sportit, dhe poashtu kanë qenë pjesë aktive e sportit”, tha Murati-Shabani.

Për shënimin e ditës së pavarësisë, krahas turneut në hendboll, Komuna e Ferizajt realizoi edhe një mori aktivitetesh kulturore, ndërkaq nesër mbahen homazhe tek Varrezat e dëshmorëve dhe organizohet një Akademi Solemne për ndër të Ditës së Pavarësisë së vendit.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

4 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG