Kosovë

S’ka marrëveshje për dalje nga bllokada në Kuvend

Published

11 months ago

28 June, 2025

As pas më shumë se dy orë e gjysmë të takimit të liderëve partiakë dhe përfaqësuesve të partive parlamentare, të ftuar nga kryetari i LVV-së, Albin Kurti, nuk u gjet konsensus për dalje nga ngërçi për konstituimin e Kuvendit.

Në deklarimet pas takimit, Kryetari i Lidhjes Demokratike të Kosovës, Lumir Abdixhiku, e ka quajtur farsë publike takimin e liderëve partiakë, të ftuar nga kryetari i Lëvizjes Vetëvendosje, Albin Kurti. Ai ka thënë se nuk ka pasur ndryshime të qëndrimeve nga Lëvizja Vetëvendosje, duke shtuar se Kosova mbetet në krizë politike.

Edhe kryetari i Partisë Demokratike të Kosovës, Memli Krasniqi, tha se ky takim ka rezultuar i pasuksesshëm . Takimin e sotëm, Krasniqi e ka cilësuar aktrim, pasi sipas tij, situata ka ndryshuar pas aktgjykimit të Gjykatës Kushtetuese, por jo edhe Kurti,.

Krasniqi shprehu bindjen se nëse vazhdohet edhe më tej procedura për krijimin e komisionit për votim të fshehtë, deputetët do të bëjnë shkelje të qartë kushtetuese.

Deputetja e Aleancës për Ardhmërinë e Kosovës, Time Kadrijaj, ka thënë se Lëvizja Vetëvendosje nuk ka pranuar asnjë ofertë të partive parlamentare që ishin në opozitë, për dalje nga ngërçi në Kuvend.

Fatmir Limaj, kryetar i Nismës Socialdemokrate, ka thënë se takimi i liderëve partiakë të shtunën më shumë ka qenë rreth këndvështrimeve për aktgjykimin sesa për zgjidhjen e situatës.

Ai ka porositur Vetëvendosjen si partia më e madhe që të sigurojë shumicën e sipas tij, për shkak të situatës duhet që të bëhen kompromise dhe të gjendet rruga për shumicën parlamentare.

Related Topics:aak Kosove Kuvendi ldk LVV NISMA PDK

Up Next

Kurti: I ofrova dy propozime kompromisi, por edhe ato u refuzuan

Don't Miss

23-vjeçari që vdiq në Lezhë është nga Ferizaj

Kosovë

Janë ekzekutuar shtesat prej 100 eurosh për fëmijë

Published

1 day ago

26 May, 2026

Redaksia

Ministri nё detyrё për Punë, Familje dhe Vlera të Luftës Çlirimtare, Andin Hoti, njoftoi se sot janë ekzekutuar shtesat prej 100 euro pёr pensionistёt dhe fёmijёt.

Ditë më parë, qeveria nё detyrё e Kosovёs vendosi pёr ekzekutimin e pakos pёr pёrballje me inflacionin 2.0 e cila parasheh mbёshtjetje pёr pensionistë, fёmijё, lehona, student aktiv, punёtorё privat dhe për familjet nё nevojё.

Kosovë

Shtesat prej 100 € për pensionistët dhe fëmijët ekzekutohen para festës së Bajramit

Published

5 days ago

22 May, 2026

Redaksia

Ministri në detyrë i Financave, Punës dhe Transfereve, Hekuran Murati, ka bërë të ditur se ekzekutimi i shtesave prej 100 € për pensionistët dhe fëmijët, do të bëhet me fillim të javës së ardhshme, mundësisht para festës së Bajramit.

Përmes një video-postimi, Murati tha se javën tjetër do të hapet aplikimi për masën e mbështetjes për studentët dhe punëtorët jashtë sektorit publik, ndërsa ekzekutimi do të bëhet pasi të përfundojë verifikimi i të dhënave.

Ai shtoi se të drejtën për të përfituar mbështetjen kanë studentët aktiv dhe të rregullt në vitin akademik 2025-2026, të gjithë të punësuarit në sektorin privat por dhe ata të ndërmarrjeve publike që nuk paguhen nga buxheti i shtetit e që fitojnë më pak se 1 mijë euro pagë mujore.

Art & Showbiz

Ambasada e Francës uron regjisoren Blerta Basholli dhe ekipin e filmit “DUA”, për çmimin e fituar në Festivalin e Kanës

Published

5 days ago

22 May, 2026

Redaksia

Ambasada e Francës në Kosovë përmes një postimi, ka uruar regjisoren Blerta Basholli dhe ekipin e filmit “DUA”, për fitimin e çmimit SACD në Festivalin e Kanës.

“Urime Blerta Basholli, regjisore dhe skenariste, & Nicole Borgeat, bashkë-skenariste, për suksesin e filmit DUA, i vlerësuar me SACD Award në edicionin e 65 të Semaine de la Critique – Cannes në Festivalin e Kanës .

Një sukses i madh për kinematografinë kosovare. Ju lumtë!” thuhet mes tjerash në postim.