Ferizaj

Dëshmitari Baftiu: Më 9 Gusht 2017 vetëm u kthyem përgjegje peticioneve

Published

7 years ago

05 March, 2019

Pas dëshmisë maratonike treditore në gjykimin kundër Faik Gaincës, në pyetjet e parashtruara me elegancë nga kryetari i gjykatës Sahit Krasniqi, dëshmitari Skender Baftiu, e pranoi se takimi i komisionit i datës 9 Gusht 2017 ishte bërë ekskluzivisht vetëm për t’ju kthyer përgjegje me shkrim peticioneve të qytetarëve, ndërkaq në dokumentin zyrtar të prodhuar nga ky komision, që bartë të njejtën datë, konfirmohej se ishte kryer edhe rishqyrtimi i tyre.

Kjo datë figuron edhe në aktakuzë si dita kur mund të ketë ndodhur keqpërdorimi i detyrës zyrtare nga ana e drejtorisë së Urbanzimit të Ferizajt.

“Atë farë draftin e PZHK-së, ju e keni aprovuar në këtë mbledhjen e datës 09.08.2017, është aprovua a?”-pyeti Gjykatësi Krasniqi.
“Në këtë datë ne veç u kemi kthyer përgjigjje peticioneve, mbledhja u kanë vetëm me u’a kthy përgjigjen peticioneve”, dëshmoi Baftiu.

Në pyetjet e palës së dëmtuar, nëse komisioni i ka verifikuar nënshkrimet e peticioneve dhe nëse e ka lexuar përmbajtjen e peticionit të deponuar nga Orhan Ibrahimi, ku thuhet se mbi 70% e kryefamiljarëve të rrugës Astrit Bytyqi janë kundër ndërtimit të lartë, Baftiu mohoi të ketë qënë bërë verikimi i nënshkrimeve, dhe se e pohoi se Komisioni kishte ditur për përqindjen e përshkruar në peticion.

“ Çdo kërkesë pa e analizuar nuk kena mundur si me shqyrtu, e kena lexu e kena kuptu përmbajtjen është e vërtetë se ka qenë e shkruar 70% e kreyfamiljarëve janë kanë kundër ndërtimimit të lartë, por derisa nuk jena lëshu në listë të banorëve se prej nga është, për neve se a kanë qenë banor a jo për neve ka qenë irelevante”, tha Baftiu.

I dëmtuari Bekim Haliti e pyeti deshmitarin Baftiu se a ishin respektuar Ligji për Planifikim Hapësinor dhe udhëzimet e Ministrisë së Planifikimit gjatë hartimit të PZHK-së së Ferizajt nga ana e hartuesve të këtij dokumenti :

“A të kujtohet neni 11 se cka parasheh dhe a është respektuar në PZHK?”-pyet Haliti.
“Tregova që Ministria na ka leju”, u shpreh shkurt Baftiu.

I akuzuari Faik Grainca deklaroi se, sipas tij, Ligji për Qeverisjen Lokale i parasheh rastet kur gjykata mund te merret me dokumentet e Kuvendit Komunal, duke i cilësuar si jokompetente pyetjet e të dëmtuarve në lidhje me procesin e hartimit të PZHK-së që ata i parashtruan deshmitarit Skender Baftiu.

“Ligji mbi pushtetin Lokal në mënyrë taksative ceket se kur vendimi I Kuvendi mund të jetë objekt shqyrtimi në një gjykatë, defakto dhe de juro këtu është duke u shqrtuar vendimi i gjykatës” deklaroi i akuzuari Grainca

Seanca e ardhshme është caktuar për datën 1 Prill 2019, kur në radhë është dëshmitari Ismajl Mehmeti, si anëtar i komisionit komunal për shqyrtim të ankesave në PZHK.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

3 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.