Në teatrin e qytetit të Ferizajt sot u mbajt mbledhja komemorative në nderim të jetës dhe veprës së ish-pjesëtarit të Ushtrisë Çlirimtare të Kosovës Gafurr Limani nga Komogllava, i cili pas një sëmundjeje, dje ndërroi jetë në moshën 45 vjeçare. Kryetari i Organizatës së Veteranëve të Luftës së UCK-së në Ferizaj Rafiz Sejdiu, tha se ndarja nga jeta e Limanit është lajm i rëndë jo vetëm për familjen, por për të gjithë ata që e njohën atë.
“Në fillimet e organizimit të UÇK-së, Gafurri ishte veçse i formësuar si ushtar, dhe në qershor të 98-ës shkoi në Shqipëri ku u furnizua dhe iu bashkangjit grupit të komandant Ahmet Kaçikut, dhe u fut në Kosovë. Ofenziva e shtatorit në Jezerc apo siç njifet Epopeja e Jezercit, Gafurrin e gjeti në pikën një. Gafurri ishte gjithëherë në radhët e para të UÇK-së. Pas ofanzifes së shtatorit, Gafurri u largua përkohësisht nga Kosova, shkoi në Shqipëri, por edhe atje nuk qëndroi duarkryq, iu bashkangjit shokëve të UÇK-së që vepronin atje. Me formimin e brigadës 138, Gafurri u fut në radhët e saj, dhe ishte pjesëmarrës në të gjitha betejat e kësaj brgiade. Ju familjarë, të ndjeheni krenar që patët një djalë të tillë, aq sa ndjehemi edhe ne që patëm një ushtar dhe bashkëluftëtar të tillë” – tha në fjalën e tij rastit, Rafiz Sejdiu.
Bashkëluftëtari Ylber Hajredini, tha se i ndjeri ishte një ushtar me moral të lartë dhe një luftëtar i sypatrembur në çdo betejë.
“Sot ne humbëm një shok, ku me 28 qershor të 98-së, në pamundësi për tu inkaudruar në luftë përmes Kosovës shkuam në Shqipëri dhe u armatosëm. Ishte një rrugë e gjatë, dhe vizita e parë së bashku me të ishte tek komandant Ferri, dhe aty pamë që edhe në Jezerc lufta duhet të bëhet. Celulat e para të Jezercit ishin më 19 korrik 1998, dhe komandanti formoi celulat e para në Jezerc, ku ishim diku 35 ushtarë por më vonë u rrit. Gafurri do të jetë i paharrueshëm dhe një humbje shumë e madhe sepse ishte një moral për ushtarët e Jezercit” – tha bashkëluftetari Ylber Hajredini
Drejtoresha e Kulturës, e Rinisë dhe e Sportit në Ferizaj, Xhemile Murati-Shabani, tha se ky veteran i UÇK-së dhe luftëtar i devotshëm, ishte edhe një punëtor i zellshëm.
“Ai nuk njifte mposhtje, nuk e njihte frikën e vdekjes, hareja dhe sharmi i tij e dallonin nga të tjerët. Ndonëse në gjendje të vështirë shëndetësore, ai insistonte të jetë i pranishëm në punë gjithnjë, dhe aty ku e kërkonte nevoja, e gjeje Gafurrin. Veç kësaj, ai kishte dëshirë të rrëfente ngjarje të luftës dhe vështirësive të jetës , kishte rrëfime të gjata dhe të dhimbshme, por na i thoshte gjithmonë me një delikatesë e më një humanizëm të mbrendshëm. Ai ishte i hareshëm, sidomos kur merrte udhëtime të gjata me artistë të Ferizajt. Ai ishte njeri i guximshëm, i pamposhtur, i cili fliste pa frikë edhe për vdekjen, të cilën gjë e konsideronte krejtësisht si një proces natyror”,- u shpreh drejtoresha Murati.
Në emër të familjes së veteranit të UÇK-së, porosinë për babanë e saj të ndjerë e dha e bija e tij, Blerina.
“Ne fëmijët dhe familja jemi krenarë që na mësove dhe na frymëzove se çka duhet bërë për lirinë e atdheut, dhe pastaj për ndërtimin e shtetit tonë. Ne do të jemi gjithmonë krenarë për veprat tua dhe të shokëve të tu”, – tha Blerina Limani, e bija e veteranit Gafurr Limani.
Veterani i UÇK-së, Gafurr Limani, u varros sot në varrezat e fshatit të tij të lindjes, në Komogllavë të Ferizajt.
Policia në Ferizaj ka njoftuar për zhdukjen e një vajze 16 vjeçe. Për zhdukjen e vajzës, në Polici ka raportuar babai i saj, i cili ka bërë të ditur se nuk e di vendndodhjen e vajzës së tij që nga data 1 maj 2024.
“Me 03.05.2024 një mashkull kosovar ka raportuar se vajza e tij (16 vjeç) ishte larguar nga shtëpia dhe nuk kanë njohuri për vend ndodhjen e saj. Rasti në procedurë hetimore”, njofton Policia e Kosovës.
Një grua ka raportuar në polici se vajza është marrë me veturë nga një person i panjohur dhe se ka kryer marrëdhënie seksuale. Dyshohet se rasti ka ndodhur më 01.05.2024 në magjistralen Kaçanik-Ferizaj.
Policia ka bërë të ditur se me vendim të prokurorit kanë nisur hetimet dhe viktima është dërguar në Institutin e Mjekësisë Ligjore ekzaminim.
Rasti është cilësuar si “dhunim”, ndërsa nuk raportohet për ndonjë të arrestuar.
Policia në Ferizaj, të mërkurën 01.05.2024, ka konfiskuar disa motoçikleta dhe skuterë pa dokumentacion të rregullt.
Në zbatim të planit operativ ” Motoçikleta dhe Trotineti elektrik 2024″, në disa pika kontrolli në qytet dhe rrethinë të Ferizajt, policia ka kontrolluar dhe ka shqiptuar gjoba ndaj disa personave, të cilët po drejtonin motoçikletat dhe skuterët në kundërshtim me rregullat e trafikut.